O le Aso Tofi na mafai ai e ni tagata ona fe'a'ei i le tumutumu ma faataupe i luga a'e o le faitoto'a ulufale ma se 'ie o loo tusia ai la latou mau e tapunia nofoaga saisai i Nauru ma Manus Island.
E le gata i lea, na ulufale nisi o i latou i le vai o loo i lumafale o le palemene ma latou suia i le lanu mumu.
O se tasi o le au tetee, o Phil Evans ma na ia ta'ua, latou te tuuaia le malo i le sauaina o tamaiti ma fafine i nofoaga saisai.
EVANS
"I think that we're making sure our message is being heard by the community, the overwhelming support, you see it in the diverse community. A few comments from parliamentarians is not going to deter us. They are responsible for the murder, the abuse of refugees, of children, of women and men."
O le tetee na faamaopoopoina e faalapotopotoga le Whistleblowers, Activists and Citizens Alliance.
O i la'ua ia e toalua na faataupe i luga o le faitoto'a ulufale i le palemene, o le a molia ile faamasinoga.
Peita'i ua fesiligia ai le tulaga puipuia o le maota faitulafono, le palemene o le atunuu i Canberra.
Ua fuafuaina e le fofoga fetalai Tony Smith le fausia o se pa e taofia ai le ulufale saoloto o tagata lautele i nisi o vaega o le palemene.
SMITH
"All enhancements, those already completed and those being proposed today, are the result of advice from our security agencies and based on many months of considerations. It's important to acknowledge these works do have an impact on the original design intent of Parliament House, however it's also important to acknowledge the world has changed since the original design brief for Parliament House."
O suiga nei mo le puipuiga o le a alu ai le $60 miliona, ma o le suia ai le ata o le maota fono mai le tulaga e pei ona fuafuaina e le tusiata ma iai nei le palemene....
