Faitio Tuila'epa i le faatamala o leoleo i le falepuipui ina ua sosola pagota.

E ui i le fou o le falepuipui i Tanumalala ma le maualuga o lona Pa, ae na mafai lava ona sosola i tua ni pagota se to'alua.

Auala i Upolu. Source: SBS Samoan Program

Ua faitioina malosi e le palemia o Samoa, Tuila'epa Sa'ilele Malielegaoi, le faatamala o leoleo ma le pulega o le falepuipui fou i Tanumalala ina ua sosola i tua ni pagota. O se tasi o ia pagota na sosola i tua, o se ali'i lauiloa i ni ana solitulafono na faia i se taimi sola ai i tua ma le falepuipui i Tafa'igata, e aofia ai lona faia o feusua'iga faamalosi i se tama'ita'i turisi mai Ausetalia.