Faitioina le tofi ta'ita'i o le Ekalesia Katoliko Roma i Adelaide

Faitioina le tofi ta'ita'i o le Ekalesia Katoliko Roma i South Australia e sui tulaga ia Archbishop Philip Wilson.

Michael (e le o lona suafa moni lea). Source: SBS

O Archbishop Philip Wilson le sui aupito sinia o le Ekalesia Katoliko Roma ua faamaonia i le faamasinoga sona moliaga e afua mai i solitulafono na faia e patele ma isi tagata o le Ekalesia i tamaiti i aso ua mavae. O moliaga na afua mai i tu'ua'iga o Philip Wilson i lona silafia ae faalafi ma nana solitulafono na faia e le patele o Father James Fletcher i tamaiti ae o la galulue faatasi i le Hunter Region i NSW. Ua tofia Bishop Greg O'Kelly e sui tulaga ia Philip Wilson, ae pei ona lipotia i le tala lenei, o loo tu'a'ia foi Greg O'Kelly i lona silafia ae nana se solitulafono faapenei na faia e se faia'oga o se Kolisi a le Ekalesia na faia i se tama a'oga (ua matou faaigoaina mo le lipoti lenei ia Michael) i le 1995.