Na asiasi le palemia Malcolm Turnbull i se tasi o pitonuu aupito maotua, le pitonuu o tagata Apolisini i Yalata i South Australia.
O se tasi o mataupu o loo naunau le palemia e una'ia i tagata i Yalata, o le taua o le ave o tamaiti i a'oga.
TURNBULL
"Good to see you. Have a good day at school."
Na o le 63% o tamaiti i Yalata e o i le aoga.
Na faaalia e le pule o le a'oga le Yalata Anangu School Bob Sim e le faigofie, ae o loo faalagolago lava i matua ma aiga e tutuli mai tamaiti i le a'oga...
SIM
"It's still not good enough, but we're heading in the right direction. So we want to build those good attending routines and habits in the small kids and the young kids so they keep that as a lifelong learning."
O le isi mataupu na una'ia e le palemia, o le faaogaina o fesoasoani mai le malo tele i penefiti.
Ua faataitai i Yalata se Card, le Healthy Welfare Card e tuu ai le penefiti i le faleoloa, ma o le 80% e na o meaai ma lavalava e faatau ai, ae le mafai ona faataua ai le sikaleti poo le 'ava malosi.
TURNBULL
"What a great, inspiring way of taking responsibility for your own community, addressing in a clear-eyed way the challenges that you face."
E le gata i le 'ava malosi ma le sikaleti ae taofia ai foi tagata mai le faaogaina o le penefiti e taaalo ai i masini poka ma isi taaloga peletupe..
Ae o loo faitioina e se sui o le National Congress of Australia's First People, Rod Little le Healthy Welfare Card.
Na ia saunoa e leai se aoga o le Card pe a leai ni polokalame e foia ai le faafitauli o le 'ava malosi...
LITTLE
"It's not necessary to have a card if you can work with community to introduce solutions that they might see as better than rolling out a card."
