Ua lapata'ia e le Ofisa o Lafoga i Ausetalia tagata lautele ina ia mataala i ni faiga taufaasese i luga o le telefoni ua gau ma leiloa ai tupe a nisi.
I lenei faiga taufaasese e telefoni atu ai se tagata ma faapea atu o loo iai sau aitalafu i le Ofisa o Lafoga ma ua tatau ona totogi vave, ae le o lea o le a molia i le tulafono. Na faaalia e se sui o le matagaluega, e leai se tasi o le matagaluega e iai se aia e tapa ai tupe mai tagata lautele i luga o le telefoni. O le toatele o i latou na mailei i lenei faiga taufaasese o tagata matutua, ona ua oso ane le fefe ma le popole ona totogi ai lea o tupe, e ui e le o iai ni a latou aitafalu i le Ofisa o Lafoga.
Share
