Lima tausaga talu ona leiloa le Malaysian Airlines MH370.

Na atoa i le Aso 8 Mati i le tausaga nei le 5 tausaga talu ona leiloa le vaalele a Malaysian Airlines i lana malaga MH370 mai Kuala Lumpur i Beijing.

Sauniga faamanatu o le Malaysian Airlines flight MH370 i Kuala Lumpur, Malaysia, EPA/FAZRY ISMAIL Source: EPA

E ui i le faitau miliona tala o tupe ua alu i le sa'iliga o le MH370, e le o iai se molimau faatuatuaina o le mea na tupu i le vaalele ma tagata e to'a 239 o le pasese ma le auva'a na malaga ai. O loo tauanauina pea e aiga o i latou na malaga i le MH370 malo o Meleisia, Ausetalia ma Saina e toe faa-auau le sa'iliga.