A suspect for the killings at the Reina nightclub in Istanbul has been identified but is still at large.
E toa 14 tagata ua saisaia e leoleo i Turkey i le sailiga o le na faatupuina le faalavelave i se fale kalapu i le taulaga o Istanbul lea na tafanaina ma maliliu ai tagata e to'a 39.
O le faalavelave na tupu ae le'i atoa se itula talu ona faafeiloa'i le tausaga fou 2017 i le vaveao o le Aso Sa talu ai.
Peita'i ua faaalia e leoleo i le to'a 8 lenei, e le'i maua ai ma le tagata o loo latou masalomia na faatupuina le faalavelave.
Ua faaalia e le faalapotopotoga fouvale Isalama le ISIS, o i latou na faatonuina le faalavelave, ma o loo lipotia i nisi o faasalalauga i Turkey, o le tagata o loo sailia, e afua mai i atunuu o Asia i Totonu, e pei o Uzbekistan poo Kyrgyzstan.
O loo fesiligia e le pule o le Reina nightclub Kocar Slan pe na faapefea ona sao lenei tagata i totonu o le Kalapu ma se fana ae sa malu puipuiga.
KOCARSLAN
(translated) "How did he manage to come despite all the intelligence and all the security measures? I can only call this creature a demon -- I can't even say he's a terrorist -- I don't know how he managed to come to the club."
Na faaalia i se faamatalaga a le ISIS, na mafua ona osofa'ia le Kalapu ona o se nofoaga e tele ina fiafia tagata Kerisiano e tafafao ai.
Peita'i i se faamatalaga mai se sui o le malo i Turkey Ravza Kavakci o le toatele o tagata na maliliu o tagata Moselemi.
KAVAKCI
"The people who lost their lives, the people who are in the hospital - there are Saudi citizens, among them. They are mostly from Arab countries, they are Muslims!"
Na ta'ua foi i le faamatalaga a le ISIS, o le osofa'iga o se taui ona o le auai o Turkey i le taua i Suria.
Ae i se faamatalaga a le malo i Turkey, na ta'ua ai e faigata ona iloa poo le ISIS moni na faatupuina le faalavelave ona o la latou masani lea o le molimau pepelo i osofa'iga e faia e nisi tusa lava pe le o ni o latou sui na faatupuina.
O se tausaga sili ona molimauina soo ai osofaiga ma vesiga i Turkey le tausaga na te'a nei.
