Na faailoa mai e le palemia Malcolm Turnbull o le a tapunia le nofoaga saisai o tagata sulufai i le faaiuga o le tausaga nei.
O le Aso 31 o Oketopa ua fuafua e tapunia aloaia ai le nofoaga saisai ma sa saunoa le minisita o femalagaiga Peter Dutton, o i latou uma e le taliaina e Amerika, o le a tuuina iai le filifiliga e nonofo ai i le nofoaga saisai i Nauru poo Cambodia. A le o lea e mafai ona nonofo pea i PNG ae le o toe tausia i se nofoaga saisai pe a tapunia.
O loo iloiloina e sui o le faigamalo i Amerika nisi o tagata sulufai i Manus - o i latou uma o alii.
Na saunoa Peter Dutton i se talanoaga ma le Sky News, o le tapunia o le nofoaga saisai i Manus e le suia ai le tulaga o le malo tele i lana tulafono i tagata sulufai e ulufale mai i vaa..
DUTTON
"We have an arrangement that I have brokered with the Nauruan government that is for a 20-year visa. Those people will remain on a 20-year visa. If they wish to stay on Nauru. But there is no prospect for them to come to Australia. And we will help them with third country resettlements otherwise, including Cambodia."
