Saisaia i Iraq se tagatanu'u Ausetalia na tau mo le IS.

Ua saisaia i Iraq se tagatanu'u Ausetalia na tau mo le IS ma na sa'ilia i Ausetalia i le taupuleina o se osofa'iga terorisi i se va'alele ae na le taunu'u.

Defence Minister Marise Payne addresses media in Sydney, Wednesday, April 18, 2018. Source: AAP

Na saunoa le minisita o le puipuiga i le malo taupulega o Ausetalia Marise Payne, o le ua saisaia na mana'omia i su'esu'ega o le taupuleina o le osofa'iga lea na faamoemoe e faapa ai se pomu i luga o le vaalele a le Etihad i le va o Sini ma Abu Dhabi - o se fuafuaga na le taunu'u ina ua 'ova le mamafa o le 'ato na fafao ai le pomu ma le sao ai i luga o le va'alele.  E le gata i lea na mana'omia fo'i le tagata lenei i le faalavelave lea na fanaina ma maliu ai se su'etusi a le matagaluega o leoleo i Parramatta i Sini i le 2015.