E iai se alii Samoa na avea ma faamasino o le faamsinoga faavaomalo i soligatulafono, le International Criminal Court i le Hague, le alii o Tuiloma Neroni Slade.
O le International Criminal Court na faavaeina e malo aufaatasi i le 1998 ma e iai nisi na molia ma faasalaina ai i s/tulafono matuia agai i nisi tagata, e pei o nisi na faia sauaga i taua i le Balkans ma Aferika.
O le ICC na faavae i lalo o le the Rome Statute, e faamalosia ai atunuu auai e saisaia se tagata o loo molia ma tuuina i luma o le ICC.
E 124 atunuu o loo auai i le ICC.
Peita'i e le matua malosi tele le pule a le ICC ona e le o saini aao Amerika, Saina ma Rusia i le Rome Statute, ona o le finauga e leai se aia poo se pule a le ICC e suesueina ai soo se tagata e tulai mai i le tofi peresitene o ia atunuu, ma ni a latou faaiuga e fai.
E pei o le taua i Iraq ma Afghanistan, e le mafai ai e le ICC ona suesue le peresitene o Amerika na faatonuina le osofaiga.
E 60 isi atunuu e le o auai i le ICC.
O se tasi o atunuu na muamua saini aao i le ICC, o Aferika i Saute, ae o lea ua folafola nei e lona peresitene le tuumuli o lona atunuu mai le faamasinoga.
Na faaalia e le minisita o faamasinoga i Aferika i Saute, Michael Masutha o tulafono a lona atunuu e puipuia ai ona taitai mai le suesueina o a latou faaiuga.
MASUTHA
"Written notice to withdraw from the Rome Statute of the International Criminal Court has been submitted to the Secretary-General of the United Nations in accordance with Article 127(1) of the Rome Statute of the International Criminal Court. The withdrawal will take effect one year after the secretary-general has received the notification."
