Ua le faaauauina ona faatau e le Kamupani vaalele a le Samoa Airways se vaalele Boeing 737 Max 9 talu ona taofia le faaogaina o nei ituaiga vaalele i se fautuaga male Kamupani a Boeing.
O le taofia ona toe faaogaina o vaalele Boeing 737-Max8 ma le Max-9 na mafua mai ina ua pa'u'u ni vaalele o ia ituaiga i Indonesia ma Ethiopia i le amataga o le tausaga nei. Ua tula'i mai ai ma seisi faafitauli i le Kamupani a Samoa Airways ina ua toe faafo'i le vaalele Boeing 737-800 lea na lisi mai se Kamupani vaalele i Italia, ma ua sulusulu solo ai le Kamupani i le sa'iliga o seisi vaalele e lisi mo le faaauauina o ana malaga i le va o Samoa, Niu Sila ma Ausetalia.
Share
