Umia pea e Kerryn Phelps le faasiliga i palota mo Wentworth

O loo i luma pea le sui tutoatasi Dr Kerryn Phelps i palota laiti mo le nofoa o Wentworth i le palemene tele.

Dr Kerryn Phelps i le po o le Aso Toona'i talu ai ina ua ia maua le faasiliga o le palota. Source: AAP

O le nofoa lenei na se'ei ai Malcolm Turnbull ae o palota laiti nei na taloina ina ua faamavae o ia mai le tofi palemia ma le palemene. E 'ova i le 100 tausaga o umia e le Liberal Party le nofoa o Wentworth ae i palota nei e foliga mai ua faailoa ai le tetee o le itumalo i le vaevaeina o le Liberals ma le auala na to'esea ai le tofi palemia mai ia Malcolm Turnbull.