Ua talosagaina e malo aufaatasi le aao foa'i o le lalolagi i le faatupeina o ana polokalame lavea'i i le tausaga fou.
Na saunoa le sui o malo aufaatasi o loo gafa ma polokalame lavea'i Stephen O'Brien, o le seleni o loo mana'omia mo a latou polokalame i le tausaga fou, e $22.2 Biliona Amerika, mo le ova i le 128 miliona o tagata o loo ola i se tulaga mativa ma puapuagatia ona o taua ma faama'i...
O'BRIEN
"This appeal, Appeal 2017, comprising strategic and coordinated response-plans covering 33 countries, is calling for US$22.2 billion -- the highest amount we have ever requested. This is a reflection of a state of humanitarian need in the world not witnessed since the Second World War. More than 128 million people urgently need our support and solidarity, to survive and live in safety and dignity."
I le atunuu o Suria, ua 6 tausaga o le taua lea ua faitau selau afe ua maliliu ai ma le faitau miliona ua saili lafitaga i isi atunuu.
O loo nonofo ai pea le 13.5 miliona tagata sivili i Suria o loo mana'omia mea'ai le suavai vailaau o togafitiga ma isi fesoasoani.
I Afghanistan, e 1.8 million tagata, o le toatele o tamaiti o le a mana'omia togafitiga i le tausaga fou ona o le matelaina i le utiuti o meaai ma le suavai mama.
I atunuu o Aferika, e toa 3 miliona tagata ua mana'omia vave fesoasoani i Burundi ma le toa 7 miliona tagata o loo aafia ona o sauaga a faalapotopotoga e pei o le Boko Haram i Nigeria.
O le toatele o tamaiti o le feoti pe a le vave iai fesoasoani.
Na saunoa Stephen O'Brien ona o le tele o taua ma vesiga i nisi o vaega o lelolagi, ua faatoluina le seleni e mana'omia e malo aufaatasi mai le US$8 billion i le 2011.
