E tusa ai ma se lipoti a le matagaluega o le va i fafo ma fefaataua'iga, le Department of Foreign Affairs and Trade ua molimauina le alu i luga o le aofa'i o tagatanuu Ausetalia e saisaia ma molia i solitulafono ae o tafafao pe aumau i atunuu i fafo.
Na fautuaina ai i lea lipoti, e le o iai se tiute tau'ave poo se matafaioi a le matagaluega e fesoasoani ai i tagatanuu e saisaia ma molia ona o ni solitulafono latou te faia i isi atunuu.
E fai ma faataitaiga alii e toa 9 ia na saisaia ma molia i le tuuga taavale le Formula One i Malaysia.
Na faaalia e le matagaluega, e le'i iai se tulaga e faamalosia ai le Konesula poo le ofisa o Ausetalia i Kuala Lumpur e ave se fesoasoani faa-loia poo seisi fesoasoani i a i latou.
E toa 1551 tagatanuu Ausetalia na molia i le tausaga na te'a nei i atunuu i fafo o loo saisaia pea.
Na saunoa le minisita o le va i fafo Julie Bishop e tatau ona malamalama tagata uma, a e malaga i seisi atunuu, e ia te oe le tiute o lou aloa'ia o tu ma aganuu ma tulafono a lea atunuu.
A e solia tulafono pe e te faia ni uiga le faaaloalo ma le taupulea, e ono afaina ai lou sa'olotoga ma faigata ai i le ofisa o le Konesula, le amapasa poo le Hai Komesina ona avatu se fesoasoani...
BISHOP
"Our consular officials cannot just whisk you out of jail. People have to take responsibility for their behaviours overseas. And we're particularly concerned that people have an understanding of local laws, local customs, and that, once you are subject to the legal system or the judicial processes of another country, then there is a significant constraint on the Australian government in providing assistance."
