We take a look at the new Senate from the elections in July.
O faigapalota i le masina o Iulai o le tausaga nei na toe faafoisia mai ai le faigamalo a le soofaatasiga a le Libs ma le Nats i se faasiliga na o le tasi le nofoa.
O palota na faia faafuase'i o se double dissolution election ina ua faa 2 ona teena e le Senate nisi o tulafono a le malo na pasia ae o lava la latou fuainumera i le Maota o Sui.
Ae o palota foi nei na sao mai ai ma nisi o sui ma vaega upufai fou i le Maota i Luga poo le Senate.
O le paleni o sui o le Senate ua umia e vaega faaupufai laiti ma sui tutoatasi.
E toa 30 sui a le soofaatasiga, le Libs ma le Nats, 26 sui a le Labor, 9 sui a le Greens, ae 11 sui tutoatasi ma vaega upufai laiti.
A tutu faaatasi le Greens ma le Labor ua 35 sui e palota i se mau, ae a tutu faatasi le malo ma sui tutoatasi ma vaega upufa i laiti ua 41 sui.
O lona uiga e taua tele ma matua malosi le tulaga o vaega upufai laiti i le Senate lenei - aofia ai le toe foi mai o le One Nation ma lona taitai Pauline Hanson, le vaega upufai fou le Nick Xenophon Team ma lona taitai Nick Xenophon, ma le sui o le Justice Party Derryn Hinch.
Mai lava i le amataga na silafia e le palemia Malcolm Turnbull le taua o le feutaga'i ma sui nei o le Senate ona e faigata ona soalaupule faatasi e le malo se mau ma sui o le Labor ma le Greens i le Senate.
TURNBULL
"I'm not going to speculate about negotiations with senators. I'm certainly not going to negotiate in advance. As you know, we don't have a majority in the Senate, so we will be talking to all of the senators and seeking to secure their support for this important legislation. We believe we will win their support."
