Coming Up Sun 10:00 PM  AEST
Coming Up Live in 
Live
Samoan radio

Faamatalaga i le COVID-19 e tatau ona e silafia i lau gagana.

Source: Getty Images

O le tiute tau'ave a le SBS le tu'uina atu o ripoti faatuatuaina e logologoina ai 'oe i le pepesi o le COVID-19 i lau gagana. O lenei pepa o faamatalaga e ta-aofia ai faamatalaga e ao ina silafia e tagata uma i lo tatou atunu'u.

Nofo i le Fale, Nofo Feso’ota’i, Faasao Ola.

SBS COVID-19 Faamatalaga i Setete ta'itasi, CLICK HERE

Mana'omia fesoasoani tau tupe

“A o e feagai ma faafitauli i le 'uti'uti o le seleni, asiasi i le www.moneysmart.gov.au pe vala'au le National Debt Helpline i le 1800 007 007. 

Totogi o le Jobseeker ma le Jobkeeper


O totogi nei ua toe fa'aauau e tau ia Mati 2021 ae o le a fa'aitiitia aofa'i mai ia Setema 2020. I masina o soso'o nei, o le a faailoa mai e le malo fuafuaga mo le JobSeeker i le 2021.

O aofa'i o totogi o le amata faaitiitia mai le faai'uga o Setema.

Jobseeker

- Taimi nei: $ 1,115
- Mai ia Setema 2020: $ 815

E le gata i lea, mai le faai'uga o Setema, e mafai ona e faigaluega mo sou totogi e $300 i le 2 vaiaso, ua suia mai le $106 i le 2 vaiaso na iai muamua, ae le a'afia ai lau tupe maua mai le JobSeeker.

Mai le Aso 4 o Aukuso, o tagata uma e mauaina le penefiti le faigaluega, e tatau ona feso'ota'i ma se ofisa sa'ili galuega ma su'e nia a latou galuega, ta'i fa'a-4 i le masina, ina ia fa'aauau ai ona maua o latou totogi. 

Jobkeeper

Vaevae i "vaega e 2", tagata faigaluega tumau ma tagata faigaluega le tumau.

Totogi ta'i 2 vaiaso o tagata faigaluega tumau:

- Taimi nei: $ 1,500
- Mai ia Setema 2020: $ 1,200
- Mai ia Ianuari 2021: $ 1,000

Totogi ta'i 2 vaiaso o tagata faigaluega le tumau:

- Taimi nei: $ 1,500
- Mai ia Setema 2020: $ 750
- Mai ia Ianuari 2021: $ 650 

 La'asaga e 3 o Fuafuaga COVIDSafe

Ua faaalia e le malo tele i Ausetalia ni la'asaga e tolu e toe tatalaina ai puipuiga ae mautinoa ai pea le saogalemu o le atunu'u mai le COVID-19. 

E fuafua lava e Setete ma Teritori la'asaga tala feagai e mana'omia ma fuafuaina i le tulaga o a latou 'au'aunaga soifua maloloina i so'o se taimi e faia ai. 

Mai le Aso 12 o Iuni, ua faatulagaina e le malo tele ni la'asaga se 3: e i Setete ma teritori le aia i le taimi e faamamaluina ai. Faatapula'aina pea faigamalaga faavaomalo.

O loo tumau pea le faatonuga mai le malo tele, o la'asaga nei, o loo faia i lalo o lapata'iga tumau pea mo tagatanu'u Ausetalia: 

La'asaga 1 faamamafaina le toe tatalaina o le atina'e o le tamao'aiga ma le toe fo'i o tagata i galuega.

La'asaga 2 e mulimuli i tua mai o le 1 i le toe tatalaina o pisinisi, to'a 20 e mafai ona potopoto, ma le tatalaina o nisi nofoaga e pei o fale tifaga ma faafiafiaga.

La'asaga 3 auala e galulue ma feoa'i saogalemu ai i lalo o puipuiga mai le pepesi o le COVID. O le a tatala le tele o vavao i lalo o le tulaga e le'i soloia atoa le vairusi ma e ao ai pea ona faaeteete. O le a tumau pea le vavao femalaga'iga faavaomalo.

E faapefea ona pepesi le COVID-19?

O le COVID-19 e pepesi mai le tagata-i-le-tagata e auala i le:

* Pi'itaga i se tagata ua pesia poo le pi'itaga ma lea tagata i totonu mai o le 24 itula ae le'i alia'e mai ni ona auga.

* Pi'itaga ma se tagata ua faamaonia le pesia ae tale pe mafatua lea tagata.

* Tago i ni mea poo luga (e pei o 'au o faitoto'a poo laulau) ua faatama'ia i le tale poo le mafatua a se tagata ua faamaonia le pesia, ona e tago lea i lou gutu poo ou foliga.

O a auga o le COVID-19?

O auga o le Coronavirus e i le va o le faama'ima'i pe o'o i le nimonia, e tusa ai ma le itulau a le malo tele i le 'upega o feso'ota'iga.

O auga o le COVID-19 e tai tutusa ma auga o le flu ma ae aofia ai:

* Fiva

* Tiga le fa'ai

* Tale

* Tino gagase

* Faigata ona manava

O le a se mea ou te faia pe a ou faalogoina ni auga?

A e molimauina ni auga i totonu o le 24 itula talu ona e taunu'u mai i Ausetalia, poo totonu o le 14 aso talu ona e pipi'i i se tagata ua faamaonia lona pesia i le COVID-19, ua tatau ona va'ai lau foma'i i se taimi vave mo se su'esu'ega.

Vala'au i lau foma'i mo le faatulagaina o se taimi, pe feso'ota'i i le Coronavirus Health Information Hotline i le 1800 020 080. 'Aua e te asiasi i se falema'i poo le foma'i e aunoa ma lou logoina iai o ou auga.

Ae e te le'i taunu'u, telefoni le foma'i poo le falema'i ma logo iai faamatalaga o sau faigamalaga, pe na e pipi'i i se tagata ua faamaonia le pesia i le COVID-19. E tatau ona e tausi puipuia i totonu o lou aiga, faletalimalo poo seisi nofoaga, se'ia faatonuina e pulega soifua maloloina ua saogalemu ona e toe fo'i au fe'au ma galuega masani.

A o faigata lau manava, pe o e faalogoina se tulaga ma'i faafuase'i, vala'au le 000.

E tatau ona su'esu'eina pe o o'u a'afia i le COVID-19?

Faato'a su'esu'eina 'oe pe a manatu lau foma'i ua e faamalieina vaega nei:

* Na e fo'i mai i sau malaga i atunu'u i fafo ma ua e a'afia i ni auga o le faigata ona e manava, pe iai se fiva pe leai.

Na iai sou pi'itaga vavalalata ma se tagata ua faamaonia le pesia i le COVID-19 i le 14 aso ua mavae ma ua e faalogoina le faigata ona manava pe iai se fiva pe leai.

Ua e maua i se nimonia matuia ma ogaoga e aunoa ma se mafua'aga manino.

E te faigaluega i 'au'aunaga soifua maloloina e feso'ota'i ma tagata mama'i, ma ua e a'afia i se gasegase faigata ona manava ma le fiva.

Na o tagata ua molimauina le a'afia e su'esu'eina ina ia faa-avanoa ai nofoaga su'esu'e mo i latou e mana'omia.

E faapefea ona togafitia le vairusi?

E le o iai se togafitiga faapitoa mo le coronavirus, ae mafai ona togafitia auga i ituaiga tausiga faafoma'i. E le aoga antibiotics i le togafitia o vairusi.

O ai tagata e aupito sili ona lamatia mai faama'i matuia?

E iai nisi o tagata e pesia ae le mama'i, o nisi e le matuia tele auga ma e vave ona toe manuia, ae o nisi e vave ona matua tigaina. I le iloa ma le silafia mai isi coronaviruses ua tuana'i, o tagata e sili ona lamatia ma matuia auga pe a pesia o:

* Tagata e faigata i le tino ona tete'e faama'i (pei o le kanesa)

* Tagata matutua

* Tagata mumaua - Apolisini ma Torres Straits ona o le toatele e a'afia i gasegase tuga.

* Tagata e a'afia ia gasegase tuga ma ogaoga

* Tagata o loo tausia o nofoaga ma isi tagata

* Tagata i fale saisai ma fale puipui

* Tamaiti laiti ma pepe*

*I le taimi nei e le o manino le tulaga a'afia o tamaiti ma pepe i le COVID-19 atoa ai lona pepesi. Peita'i i le taimi nei, e to'a laiti atu tamaiti ua faamaonia le pesia mai le COVID-19 nai lo isi tagata i le atunu'u.

E faapefea ona e fesoasoani e faaitiitia le pepesi o le COVID-19?

Tausisi le tu-mama, puipui ou lima i taimi e te mafatua/tale ai, le va mamao mai isi tagata pe a e ma'i - o auala ia e puipuia ai mai le pepesi o soo se vairusi. E tatau ona e:

* Fufulu mama ou lima i se fasimoli ma le vai ae te le'i ma pe a mae'a ona e taumafa, ma taimi uma e faaogaina ai le faleuila.

* Ufiufi ou foliga i taimi e te tale ai, faaoga pepa tissue ma isi pepa fufulu lima.

* A o e faama'ima'i, 'aua e te pipi'i i isi tagata (tausisi i le va mamao e 1.5 mita).

* Va'ai lou tiute ta'uave i le puipuiga ma nofo i lou fale pe a tala feagai.

O ai tagata e tatau ona tausi puipuia?
 
1) O tagata uma na taunu'u mai malaga mai atunuu i fafo e amata mai le 12am i le vaeluapo o le Aso 15 Mati 2020, poo tagata o loo manatu na felata'i ma seisi ua faamaonia le pesia i le COVID-19, ua tatau ona tausi puipuia/tausi 'esea mo le 14 aso.
 
2) O tagata malaga uma na taunuu mai i Ausetalia e amata mai i le vaeluapo o le Aso 28 Mati 2020, e mana'omia ona tausi puipuia mo le 14 aso i se nofoaga faatonuina (e pei o se faletalimalo).
 
* O le a momoli sa'o tagata malaga i nofoaga ua saunia i le mae'a ai o siaki a le matagaluega o femalaga'iga, tiute ma siaki o le soifua maloloina.
 
* O le a 'au'aufaatasi sui o le ADF (militari) i leoleo i le asiasia o fale o tagata e faatonuina e setete ma teritori e tausi puipuia, ma o le a lipotia i leoleo i latou e maua atu e le o i totonu o le fale.
 
3) A faapea ua faamaonia ua e pesia i le COVID-19, ua tatau ona e nofo i lou aiga:
 
* 'aua e te alu i se nofoaga o iai isi tagata e pei o lau galuega, a'oga, nofoaga o faatau, nofoaga e tausi ai fanau poo se Iunivesite
 
* fai i seisi tagata e fesoasoani e aumai au mea'ai ma isi mea mana'omia mo le soifuaga ae tu'u i fafo o le faitoto'a
 
* taofi isi tagata ona toe asiasi mai i lou fale, se'i vagana tagata e masani ona nonofo faatasi ma 'oe.
 
O le a le 'social distancing?'
 
O le social distancing, o le va mamao o 'oe ma isi tagata o se auala e faaitiitia ai le pepesi o le COVID-19. O le mamao o le va o 'oe ma isi tagata, o le faigata fo'i lea i le vairusi ona pipisi.
 
E aofia ai lou le tago i 'au o faitoto'a poo luga o laulau (vaega e ono faatama'ia mai le mafatua poo le tale a se tagata ua pesia i le COVID-19).
 
E i setete ma teritori le aia e faamalosia/puipuia ai lenei aiaiga.
 
 Tagata matutua e iai gasegase faaauau
 
O tagatanu'u Ausetalia uma i luga atu o le 70 tausaga le matutua e iai gasegase faaauau poo a'afiaga tuga.
 
Ua fautuaina malosi e le kapeneta le tausi puipuia i aiga mo le 'umi e mana'omia ai mo tagatanu'u Ausetalia e:
 
  'ova i le 70 tausaga le matutua;
 
  'ova i le 60 tausaga le matutua ma a'afia i gasegase faaauau poo a'afiaga tuga;
 
  tagatanu'u muamua e 'ova i le 50 tausaga le matutua e a'afia i gasegase faaauau poo a'afiaga tuga.
 
O le faai'uga i lou le usita'ia o tulafono e faatatau i le va mamao ma isi tagata e faatatau i le Setete o loo e aumau ai.
  • NSW: Sala tupe $1,000 pe sili atu
  • Vitoria: Sala tupe $1,600 pe sili atu
  • SA: Le faamalosia e leoleo tulafono a le malo tele
  • ACT: Lapata'i atu soso'o ma le sala tupe
  • Queensland: Sala tupe $1,330 mo tagata ta'ito'atasi
  • WA: Sala tupe $1,000 mo tagata ta'ito'atasi
  • Tasmania: Mafai ona faasala tupe
  • NT: Le faamalosia e leoleo tulafono a le malo tele.
E mafai ona ou asiasi i se tagata o lo'u aiga poo sa'u uo i se nofoaga o le tausiga o tagata matutua?
 
O le pepesi o se vairusi i se nofoaga e tausia ai tagata matutua, e ono i'u i ni faafitauli matuia. Ae o le COVID-19, ua iloa ai le matuia lamatia o le saogalemu o tagata matutua. O lea la ua faatulagaina ai poloa'iga nei. 'Aua e te asiasi i se nofoaga e tausi ai tagata matutua pe a:
 
* Faato'a taliu mai sau malaga i atunuu i fafo i le 14 aso ua mavae.
 
* Pipi'i felata'i ma se tagata ua faamaonia le pesia i le COVID-19 i le 14 aso ua mavae.
 
* Auga o le fiva poo nisi auga o faama'i pepesi manava (pei o le tale, tiga le fa'ai, to'a le manava).
 
Amata atu i le masina o Me, e tatau ona faia sou tui puipuia mai le flu e faatagaina ai ona e ulufale i se nofoaga e tausi ai tagata matutua.

E tatau ona faia sa'u ufi foliga?

O ufi foliga i nofoaga faitele, e na ona fesoasoani i tagata ua pesia i le COVID-19 mai le pipisi atu ai i isi tagata. A faapea o e malosi, e le o iai se mana'oga i lou faia o se ufi foliga, ona e le o iai se molimau i lou puipuia ai o isi tagata mai lau ufi foliga i nofoaga faitele.

A mana'omia ona e tausi puipuia, e tatau ona faia sau ufi foliga (pe a o iai) i tulaga nei:

* E mana'omia ona e ulufafo ma lou fale i se mafua'aga tatau.

* O loo e asiasi i se nofoaga mo togafitiga faafoma'i.

* Ua e a'afia i auga, ae o iai nisi tagata i le potu faatalitali ma 'oe.

Faimalaga mai pe faimalaga 'ese atu ma Ausetalia.

Ua fautuaina tagatanu'u Ausetalia e taofia faigamalaga i le atunu'u se'ia vagana i mafua'aga le ma'alofia. E i Setete ma Teritori le aia e faia ai faai'uga mo lo latou puipuiga, e aofia ai le tapunia o latou tua'oi.

Feoa'iga faitele i le 'ele'ele

O feoa'iga faitele i le 'ele'ele o le tiute tau'ave o Setete ma Teritori, ae ua aiaia e le Kapeneta a le atunu'u puipuiga mo le saogalemu o tagata - le mamalu femalaga'i atoa ai tagata faigaluega i soo se a'u'aunaga o feoa'iga faitele i le atunuu. E aofia ai fautuaga e taofia le feoa'i pe a o lagona le faama'ima'i , auga o ni ma'i, tausisi le va mamao ma isi tagata. E le o faamalosia le faia o ni ufi foliga i le taimi o faigamalaga i feoa'ifa faitele. Mo nisi faamatalaga, asiasia i le: https://www.infrastructure.gov.au/transport/files/COVID19_public_transport_principles_29052020.pdf

Feoa'iga faavaomalo.

O tagata uma e ulufale mai i Ausetalia mai atunu'u i fafo, e tatau ona tausi puipuia (quarantine) mo le 14 aso i nofoaga faatulagaina faato'a mafai ona o i o latou aiga.

O tagata uma e ulufale mai, e su'esu'eina poo pesia i le COVID-19 i le amataga o le quatantine, ma toe su'esu'eina i le taimi e mae'a ai le quarantine.

E ono faatonuina 'oe e te totogia le tau o lau quarantine. O aiaiga nei e faia e faigamalo Setete ma Teritori.

Ua faasaina tagata sitiseni ma tagata nofomau i Ausetalia ona malaga i fafo ona o puipuiga o le COVID-19.

Peita'i, e mafai ona e tu'ua Ausetalia i se faatagaga faapitoa, pe a e talosaga i luga o le 'upega o feso'ota'iga i mafua'aga nei: 

  • o lau malaga e aoga mo le puipuiga o le COVID-19 e aofia ai le tufaina o fesoasoani
  • o lau malaga e aoga mo pisinisi o le atina'e (e aofia ai 'oloa faatau atu ma faatau mai) 
  • mo ni togafitiga faa-foma'i e le maua i Ausetalia 
  • pisinisi tau ia te 'oe e le ma'alofia
  • fe'au o le alofa
  • e manuia ai le atunu'u i lau malaga.. 

O tagata uma e ulufale mai i Ausetalia e tatau ona tausi puipuia mo le 14 aso i o latou aiga poo faletalimalo.

A le usita'ia e tagata malaga le poloa'iga o le tausi puipuia mo le 14 aso, e ono faasalaina i latou i lalo o tulafono a Setete ma Teritori.

Asiasi i le www.smartraveller.gov.au mo nisi faamatalaga lata mai.

O faapefea ona pulea e le malo le pepesi o le COVID-19?

Ua faatulagaina e le palemia le  Emergency Response Plan for Novel Coronavirus (COVID-19).

Na toe faaopoopo e le Kovana-Sili o Ausetalia puipuiga i taimi o faalavelave faafuase'i i le 3 masina, mai ia Iuni 17, 2020 e tau ia Setema 17, 2020. 

 Fesoasoani mo pili o le malosi'aga eletise ma le suavai

Ua faatulagaina fesoasoani e auala i le togitogiina o pili mo aiga ma pisinisi laiti e aofia ai le:

  • le tipiina o le eletise poo auaunaga mo i latou o feagai ma faafitauli;;
  • tolopo i seisi taimi le aoina ma faamalosia ona totogi aitalafu;
  • le totogia faasalaga i le tuai ona totogi poo ni tului; ma
  • faaitiitia le tipi o le malosi eletise i taimi e sili ona mana'omia ai.
  • O i latou e mafai ona totogi a latou pili, e tatau ona faaauau ina ia mautinoa ai le lava o le sapalai mo tagata uma.
  • O tagata turisi ua tatau ona toe fo'i i o latou aiga ma atunu'u na o mai ai.
Fesoasoani mo faafitauli o le mafaufau

  • Ua faaopoopo e le malo nisi 'au'aunaga e 10 e faatupeina i lalo o le Medicare ma fesoasoani faa-foma'i o le mafaufau i tagata o loo a'afia i to'atuga ona o le fesoua'ina faalua o nisi o vaega o le atunu'u i le pepesi o le COVID-19. 
  • Ina ia mauaina lenei fesoasoani e tatau ona iai sau Mental Health Treatment Plan (https://www.healthdirect.gov.au/mental-health-care-plan) ma e tatau ona iloilina muamua e lau foma'i ona faasino ai lea i se foa'i faapitoa o le mafaufau, se psychologist, psychiatrist, poo seisi 'au'aunaga faa-soifua maloloina..
  • E maua fo'i faamatalaga taua i luga o le Head to Health (www.headtohealth.gov.au), i auala e tausia ai lou soifua maloloina o le mafaufau ma 'au'aunaga e mafai ona e vala'au iai le vaitaimi lenei o feagai le atunu'u ma puipuiga mai le pepesi o le coronavirus.

Tu’utu’uga mo Visa.

Visa tagata faigaluega asiasi: Faatagaina le ono masina faaopoopo i se galuega e tasi, pe a faapea o se galuega e mana’omia: E pei o tausi ma’i, tausiga o tagata matutua, tausiga o tagata ma mana’oga tumau, faato’aga ma tapenaga o taumafa, ma e mafai ona talosaga mo seisi Visa, pe a faapea e uma le aoga o le Visa o umia nei mo seisi ono masina.

Tagata faigaluega vaitau ma i latou i lalo o Polokalame faapitoa mo tagata Pasefika: mafai ona toe faaopoopo le tausaga i le ‘umi o le Visa.

Visa le tumau mo tomai faapitoa: a faapea ua lusi lau galuega, e tuuina atu le 60 aso e toe sa’ili ai seisi galuega, a le o lea, ia tu’ua Ausetalia (tusa pe o lava sau tupe sefe ma lagolagoina ‘oe e lou aiga).

A faapea ua vaea ae le’i faate’aina, pe ua faaitiitia itula faigaluega, e le va’ai iai ua latou solia aiaiga o le Visa. E mafai ona latou talosaga mo le $10,000 mai a latou supa mo le tausaga faaletupe lenei.

Nisi Faamatalaga, asiasi i le ServicesAustralia https://www.servicesaustralia.gov.au/individuals/services/centrelink/jobseeker-payment

Ua faatonuina e le palemia le Emergency Response Plan for Novel Coronavirus (COVID-19).

I fuafuaga a le malo tele i puipuiga mai le COVID-19, asiasi i le Government response

Mo nisi faamatalaga i le Gagana Peretania, asiasi i le health.gov.au/news/health-alerts/novel-coronavirus-2019-ncov-health-alert