O le palemia setete o NSW i le taimi nei, o Dominic Perrottet, ma o le a taumafai e toe tula'i mai mo se paea'iga lona 4 i palota o lumana'i nei.
Ma o le a tauva ma le vaega 'upufai a le Labor o loo ta'ita'ia e Chris Minns, lea na tofia e ta'ita'ia le itu-agai ma le Labor ia Iuni o le 2021.
O le palemene o NSW e lua ona maota - le fono faitulafono Legislative Assembly (maota i lalo) ma le maota Legislative Council (maota i luga).
E 93 itumalo palota o le a filifili ai sui o le maota faitulafono.
O le maota i luga e 42 ona sui, ma e to'a 21 sui e filifilia mo le ta'i 2 paea'iga, poo le 8 tausaga.
A iai ni mafua'aga le ma'alofia e le mafai ai e se tagata ona lafo lana palota i se fale palota, e mafai ona talosaga e lafo sana palota i le meli poo se postal vote
E tatau ona taunuu talosaga mo palota lafo i le meli i le NSW Electoral Commission e le'i taina le 5pm i le Aso 20 o Mati.
O palota uma e aofia ai palota lafo i le meli, e tatau ona lafoina e le i tua mai o le 6pm i le Aso 10 o Aperila.
O le a le fa'aaogaina palota i luga o le 'upega tafa'ilagi le iVote i faigapalota nei.
Palota i le Aso 25 o Mati
E 'ova i le 2450 fale palota o le a faavaeina i nofoaga o falesa, a'oga, ma le tele o isi nofoaga faitele i le setete o NSW.
O fale palota nei o le a tatala mai le 8am i le taeao e tau i le 6pm i le afiafi.
.
I le taimi e te ulufale ai i se fale palota, o le a fesili atu le tagata fai palota mo lou suafa, tuatusi ma le itumalo palota, ma pe na lafo muamua sau palota i palota nei.
A talia uma faamatalaga, ona tuuina atu lea o le pepa palota ia te 'oe.
A le maua ou faamumauga i le lola palota, o le mana'omia ona faia sau ta'utinoga tusitusia.
E faamalosia le lafo o palota
I NSW, o tagata uma e mafai ona palota, e tatau ona lafo a latou palota i faigapalota mo le pelemene tele, setete ma pulega faaitumalo.
E ono faasalaina i laotu e le usita'ia lenei faatonuga.
.
Mo tagata e leai ni fale mautu, o loo i seisi setete poo i fafo i le aso o faigapalota
e mafai lava ona tuu o latou suafa i le lola palota..
O tagata i vaega nei e le lafoina ni a latou palota, e le o'o iai se faasalaga.
Mo tagata e iai mana'oga tumau with a disabilitye mana'omia se fesoasoani, e mafai ona auai i le fale palota ma sana uo poo seisi o lona aiga pe tapa se fesoasoani mai le 'aufaigaluega i le lafoina o a latou palota.
A faapea e faigata ona auai atu e lafo se palota i se fale palota, e mafai ona lafo se palota i le meli poo le telefoni.
O tagata palota i isi setete i le aso o palota interstate, e mafai ona lafo sana palota i luma mai o le aso o faigapalota early voting centre pe lafo i le meli.
Mo tagata o loo i le lisi palota i NSW ae o loo i fafo i le aso o faigaplaota living or on holiday overseas, e tatau ona lafo a latou palota i le meli.
Faamatalaga i gagana 'ese'ese
Ua faatulagaina e le Komisi o Faigapalota i NSW, le NSW Electoral Commission faamatalaga i auala e lafo ai palota ma sui tauva i ni gagana e 25 e aofia ai le gagana Igilisi 25 languages, including English
O le a iai ma le 'aufaigaluega lagolago e fesoasoani atu i le gagana pe a iai se faafitauli i le aso o faigapalota.
E iai fo'i fesoasoani i le gagana e auala i le 'au'aunaga faamatala'upu i luga o le telefoni mo gagana e le o aofia i le lisi lenei. .
Ma e mafai fo'i ona fa'aaoga e le 'aufaigaluega le 'au'aunaga Translating and Interpreting Service (TIS National) pe a mana'omia.
pe vala'au le 1300 135 736.
