Lipoti lata mai o le KOVITI-19: Fa miliona tagata Vitoria ua mae'a ona faia uma tui puipui, folafola e Niu Sau Uelese le toe amata o taaloga a komiuniti.

Lipoti lata mai o le Koronavairusi i Ausetalia, aso 23 o Oketopa, 2021.

NSW Premier Dominic Perrottet has announced a $25m boost for community sport. Source: AAP

E fa miliona tagata Vitoria ua mae'a ona faia uma tui puipui
Ua faamatala e le Premier o Niu Sau Uelese o se lu'itau moni le tulaga o le sioti o tagata faigaluega e iai tomai ma tagata faigaluega leipa.
Fai mai le Qantas o faatau o faigamalaga faavaomalo ua sili mamao atu nai lo faigamalaga faalotoifale.

Vitoria

Ua lipotia i Vitoria cases fou o le koronavairusi e 1,750 ma le toaiva ua maliliu, a'o alafai mai ai tagata i le latou uluai faaiuga o le vaiaso ina ua tuana'i le vavao lona ono na aofia ai.

Mai le 770 o gasegase o lo'o ile falema'i, o le 144 o lo'o ile vaega tigaina ma le toa 90 o lo'o faaaoga masini faamanava.

Ua lapatai mai le Pulega o lo'o faatalitalia e o'o atu le aofa'i o cases fou i se numera maualuga i ni nai vaiaso o lumana'i ai.

O le ta'ita'iau o le Koviti 19 i Vitoria, Jeroen Weimar na ia taua e silia ma le fa miliona tagata Vitoria ua mae'a ona faia uma tui puipui ma ua tuuina ai le setete ise tulaga malosi e faaauau ai pea ona faamāmā aiaiga o le vavao.

Niu Sau Uelese

Ua faamauina i Niu Sau Uelese, tagata e 332 ua a'afia ile koviti 19 ma le toalua ua maliliu.

O le aso ananafi na faalauiloa mai ai e le pulega o le soifua maloloina o nisi o aoga ua tapunia ile taimi nei a'o lumanai ai le faia o galuega faamama ma le sailia o i latou sa fesootai ma e ua aafia.

Saunoa le Premier, Dominic Perrottet e faatatau ile faaitiitia o le aofa'i o tagata faigaluega e iai tomai atoa ai ma tagata faigaluega leipa i nofoaga maotua aemaise lava i le vaega o le hospitality po'o le auaunaga talimalo lea ua ia faamatala o se lu'itau moni. Na ia taua o fefaatauaiga ua i luga i le 200 pasene ao le aufaigaluega ua pau mai ile 50 pasene.

Ua faailoa e le setete se paketi e $25 miliona e fesoasoani e una'ia taaloga i komiuniti.

Le 24 itula talu ai i Ausetalia

O le Ofisa Sili o le Qantas, Alan Joyce na ia taua ua vaaia e le kamupani vaalele se tulaga uiga ese ile tali ane a tagata aemaise o le telē o le mana'oga a'o faatalia ai se faaiuga e faatatau ile vave amataina o faigamalaga. O se vaega tele o faigamalaga ua mae'a faatauina uma nofoa i i nai itula aemaise o le faatauina o faigamalaga faavaomalo ua sili atu nai lo faigamalaga faalotoifale.
Faamauina i le ACT cases e 24, Kuiniselani e leai ni case.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.