Lipoti lata mai o le KOVITI-19:Faaopoopo le umi o le Vavao i Greater Sydney i leisi 4 vaiaso.

O le lipoti aupito i lata mai lenei o le Koronavairusi i Ausetalia mo le aso Lulu 28 o Iulai.

Bentleigh Secondary College students are seen returning to school as COVID-19 restrictions are eased across Victoria, in Melbourne, Wednesday, July 28, 2021. Source: AAP Image/Daniel Pockett

Ua toe faaopoopo le umi o le Vavao i Greater Sydney seia oo ile aso 28 o Aukuso.

Suesue e Vitoria le case e tasi e le fesoo'ta'i i isi cases.

Leai se case fou i Ausetalia i Saute.

Faaluaina faamata'u o le KOVITI -19 o loo feagai ma Kuiniselani.

Niu Sau Uelese

E 177 cases fou ua faamauina i Niu Sau Uelese i le aso ma le toatasi ua maliu. A itiiti mai e 46 cases sa iai pea i le komiuniti i le taimi ua aafia ai i le faamai.

O le vavao o loo iai nei ua toe faaumiumi atu i leisi fa vaiaso seia oo ile aso 28 o Aukuso. O isi faaitu (local government areas) i Sini e aofia ai Campbelltown, Paramatta ma George's River ua faaopoopo atu i nisi o aiaiga malosi atu lea e aofia ai le faatagaina nao tagata faigaluega ua faatagaina e agai ese mai ma ia faaitu.

I Fairfield, nao tagata faigaluega i le Soifua Maloloina ma tausi soifua, ao Canterbury Bankstown o tagata faigaluega uma o loo faatagaina (essential workers) e manaomia ona tai tolu aso ma faia siaki. O tulafono o loo faaaoga atoa i Greater Sydney e faatatau i le faiga o faatau ma faamalositino ua faatagaina nei i le nao le 10km mai le fale.

Saili ii suiga ua iai tuutuuga saogalemu mo le KOVITI.

Vitoria

Faamauina ile setete cases e 9 mai le komiuniti ae o le 8 o ia cases e iai sootaga i e ua aafia. E tasi le case o loo suesueina pea e le fesootai i isi cases ia.

O le a tumau pea nisi o aiaiga o le tapu e aofia ai le faamalosia pea o le faia o talifofoga i nofoaga i totonu ma fafo.

Saili ii mo aiaiga lata mai nei o le KOVITI 19

Le 24 itula talu ai nei i Ausetalia.

Faamaonia mai e le Ofisa sili o le Soifua Maloloina a Kuiniselani, Dr Jeannette Young o le toa 19 o le auvaa e 21 ua faamaonia nei le aafia i le KOVITI-19 ma e toatasi se alii e foliga sa iai pea i le komiuniti i Brisbane ile taimi ao loo aafia i le faamai mo aso e ono.

Ua lua aso e leo iai se case fou i Ausetalia i Saute.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.