- I le itū i matū o Niu Sau Uelese, i Grafton, ua unaia tagata ina ia faia siaki
- Ua o'o atu i le 6,666 cases o lo'o iai nei i Vitoria
- O le vaiaso lona fitu lenei o le vavao i le ACT
- Ua faamauina leisi case fou e tasi i Kuiniselani, o lo'o faanofoesea i lona aiga
Niu Sau Uelese
Ua faamauina i Niu Sau Uelese cases fou e 1,063 ma tagata e to'aono ua maliliu.
O le asō e faamuta ai le vavao i pulega faaitumalo o Orange ma Glen Innes, ae o Narromine o le a mae'a le latou vavao i le aso Toonai, 25 o Setema.
O vaega o le vairusi ua maua i ni samples o le suavai palapalā mai Grafton i le itū i matū o Niu Sau Uelese ae leai ni cases o iai.
Kiliki e faatonu sou avanoa mo le tui puipui i le asō.
Vitoria
Ua faamauina i Vitoria cases fou e 766, o le numera aupito i maualuga lea ua lipotia talu mai faama'i. E to'a fa tagata ua maliliu.
E silia ma le 100,000 faiaoga i le setete, aemaise o tagata faigaluega i le vaaia o tamaiti (childcare workers) e manaomia ona faia, a itiiti mai o le uluai tui ao' le'i o'o i le aso 18 o Oketopa ma e ma e manaomia ona faia tui uma e lua a'o le'i o'o i le aso 29 o Novema, sei vagana e iai se tulaga tau le soifua maloloina e lē mafai ai.
O tagata Vitoria ua mae'a ona faia uma tui e lua mai Sini, o le a mafai ona toe fo'i i aiga amata atu i le aso 30 o Setema. E mana'omia ona faailoa se i'uga o se siaki na faia e lē o aafia (negative) ia lē silia ma le 72 itula ma faanofoesea mo le 14 aso , lea e mafai ona faatino i le fale.
Saili se nofoaga e fai ai tui puipui lata atu ia oe.
Australia Capital Territory (ACT)
Ua faamauina i le teritori cases fou e 16, ua atoa ai le 674 o cases o loo iai nei.
O tagata uma e i le va o le 12 ma le 59 tausaga, e mafai ona faia le tui puipui o le Moderna i lo latou fale talavai faalotoifale amata atu nei.
Kiliki ii e faatonu sou avanoa mo tui puipui o le KOVITI-19.
Le 24 itula talu ai nei i Ausetalia
O le minisita o Tulisi a le Feterale, Dan Tehan ua ia taua o le malō o lo'o sauni nei ana systems e pei o vaccine passports e faataga ai ona faimalaga faavaomalo i le taimi o le Kirisimasi pe a tuai tele, ae le manaomia le faanofoesea i faletalimalo.
Faanofoesea, faimalaga, nofoaga mo le faia o siaki ma peimeni o le faama'i
O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.
Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.
- Talafou ma Faamatalaga i le silia ma le 60 o gagana ile sbs.com.au/coronavirus
- Taiala talafeagai mo lou setete poo le teritori: NSW, Victoria, Queensland, Western Australia, South Australia, Northern Territory, ACT, Tasmania.
- Faamatalaga e faatatau ile COVID-19 vaccine in your language.
Asiasi ile auaunaga ua faaliliuina a le NSW Multicultural Health:
Fesootaiga
Nofoaga mo le faia o siaki i setete ma teritori:
Faamatalaga mo peimeni o le faama'i i setete
