Talafou KOVITI-19: Si'itia pea le aofa'i o tagata e pesia i NSW.

O faamatalaga mulimuli nei i le faama'i koronavairusi i Ausetalia, Aso 6 Aukuso 2021.

NSW COVID-19 update in Sydney. Friday, August 6, 2021.

The media surround NSW Premier Gladys Berejiklian at a press conference to provide a COVID-19 update in Sydney. Friday, August 6, 2021. Source: AAP Image/Mick Tsikas

O le to'atele lava o tagata i potu tigaina mai le KOVITI-19 i NSW e le'i faia tui puipui
Maua nisi tagata i Vitoria na feoa'i i nofoaga faitele o tau'aveina le vairusi
'Ova i le 300 faletalavai i Queensland ua auai i le polokalame o tui puipui

New South Wales

E to'a 291 tagata na pesia mo le taimi muamua i le koronavaisrusi i NSW i le aso ua mavae, o le to'a 48 o i latou na feoa'i i nofoaga faitele ae o pesia. E to'atasi se tagata ua maliu ai, o se tina i luga o le 60 tausaga le matua, e le'i faia sona tui puipui.

Ua faaalia e le palemia setete o NSW, Premier Gladys Berejiklian o le a faaopoopo leoleo i le pulega faaitumalo o Canterbury-Bankstown lea o loo matua pepesi ai le faama'i.

Na faaalia foi e le Chief Health Officer, Dr Kerry Chant, mai le to'a 50 o tagata o loo tausia i potu tigaina i falema'i (intensive care), o le to'a 44 e le'i faia ni tui puipui muamua.

Mo le lisi o nofoaga e faia si sou tui puipui i NSW, list of vaccination clinics.

Vitoria

E to'a 6 tagata na pesia i Vitoria i le aso ua mavae.

O i latou uma e iai so'otaga ma clusters o le Delta strain ua faamauina, ae na feoa'i i nofoaga faitele i le taimi o pesia ae le'i maua le faamaoniga o lo latou a'afia i le vairusi.

Na amata nanafi seisi Sa, poo se lockdown i Vitoria ona o le pesia o tagata i clusters i Hobsons Bay ma Maribyrnong.

Mo nofoaga o loo pepesi ai le faama'i i Vitoria list of exposure sites.

Queensland

E to'a 10 tagata na pesia i Queensland i le aso ua mavae, o i latou uma e iai so'otaga ma clusters ua faamauina. h

E 'ova i le 330 faletalavai i Queensland COVID-19 vaccinations ua mafai nei ona faia ai sou tui puipui.

Na faaalia e le Chief Health Officer Dr Jeanette Young e le o mautinoa i le taimi nei pe tatala le Sa i Saute i Sasa'e o Queensland lea na faamoemoe e tatalaina i le Aso 8 o Aukuso.

Quarantine, femalaga'iga, nofoaga o tests ma le totogi pandemic disaster payment

O mataupu i le Quarantine ma le faia o tests, o matafaioi a malo Setete ma Teritori:

NSW Travel & transport ma Quarantine

VIC Travel permit, Overseas travellers ma Quarantine

ACT Transport ma Quarantine

NT Travel ma Quarantine

QLD Travel ma Quarantine

SA Travel ma Quarantine

TAS Travel ma Quarantine

WA Travel ma Quarantine

A e fia faimalaga i se atunu'u i fafo, e ono mafai ona e talosaga mo se faatagaga i luga o le 'upega o feso'ota'iga. Click here mo nisi faamatalaga i auala e mafai ai ona e malaga i fafo mai Ausetalia. E iai aiaiga le tumau mo malaga faavaomalo o loo iloiloina i taimi uma e le malo ma e mafai ona e mauaina faamatalaga i luga o le Smart Traveller website.