Lipoti lata mai o le KOVITI-19:Tai tolu pea fuainumera(triple digits) o cases fou i Niu Sau Uelese, Matuai mataituina Kuiniselani

O le lipoti aupito lata mai lenei o le Koronavairusi i Ausetalia mo le aso 26 o Iulai 2021.

Signs of AstraZeneca and Pfizer Covid-19 vaccines outside a doctors surgery in the lower north shore suburb of Lane Cove in Sydney, Monday, July 26, 2021. Source: AAP Image/Mick Tsikas

I Niu Sau Uelese, o le potopoto o aiga o le mafuaaga autu lea ua fesoasoani atu ile faatupulaia pea ole fuainumera o tagata aafia.

I Vitoria o loo faatalia se faamaoniga o le faaitiitia o sa o le vavao.

Faamaonia mai e Ausetalia i Saute le faamaeaina o lana vavao

O loo matua'i mataituina Kuiniselani ile maea ai o le agai atu iai o se case mai Sini, sola ese ma le vavao.

Niu Sau Uelese

E 145 cases fou ua faamauina i Niu Sau Uelese. O le aofai o cases i Fairfield ua faaitiitia. Lapatai mai le komesina o leoleo o soo se tasi o fuafua e solo tetee i Sini ile taimi o le vavao, o le a pueina.

I nai aso o lumanai ai, o le a mafai ai e faletalavai i lou lotoifale ona ofoina le tuipuipui o le Astrazeneca i tagata silia ma le tai 60 tausaga pei ona faailoa e le Ofisa sili o le Soifua maloloina i Niu Sau Uelese, Dr Kerry Chant, faamamafa mai ai o loo iai se sioti ile tuipuipui o le Pfizer.

Unaia e Dr Chant tagata uma i le komiuniti ina ia faia tuipuipui. Saili ii mo le lisi o faletalavai.

Vitoria

E 11 cases ua faamauina i Vitoria. O cases uma e iai o latou sootaga i le pepesi a le faamai o loo iai nei ma sa iai foi lava i le komiuiti i le taimi ae ua aafia. O le aofaiga o cases o loo iai nei e 190.

O le vavao lona lima lea ma ua fuafua e faamaea i le 11.59 ile aso Lua 27 o Iulai 2021, ae fai mai e le o iai se tonu mautu.

Le 24 itula mulimuli nei i totonu o Ausetalia

Tumau pea le faamalosia o le faia o talifofoga i nofoaga i South East Queensland. Saili ii le lisi o nofoaga na agai iai tagata ua aafia.

O loo tulaga lelei le sauni atu o Ausetalia i saute e faamuta le vavao ile vaveao o le aso Lulu nei ile 12.01 ae o le a tumau pea nisi tulafono.

Fua agai i faamatalaga mai le mai le Matagaluega o le soifua maloloina a le Feterale, e 2117 cases o le KOVITI-19 o loo iai nei i Ausetalia.

Talitonuga tuufaasolo faatatau ile KOVITI-19:

O tagata talavou ma malolosi e le aafia i le KOVITI-19. E na'o tagata matutua ma tagata mama'i e aafia ai.

Mea moni faatatau i le KOVITI-19:

O le vairusi e matua'i aafia ai tagata matutua ma i latou e iai nisi aafiaga tau le soifua maloloina ae e mafai foi ona aafia ai ma fasiotia ai nisi o tagata talavou ma malolosi.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.