Lipoti lata mai o le KOVITI-19:Silia ma le 1000 cases fou i Niu Sau Uelese, folafola nisi faamamā avega mo tagata ua mae'a ona fai uma tui puipui.

Lipoti lata mai o le Koronavairusi i Ausetalia, aso 26 o Aokuso 2021.

Members of the public wear face masks as they exercise in Sydney, Thursday, August 26, 2021. Source: AAP Image/Bianca De March

Ua toe faaopoopo le umi o le Vavao i nofoaga maotua o Niu Sau Uelese seia aulia le aso 10 o Setema
Maua e Vitoria tui puipui o le Pfizer e 25,000
Tatala fesoasoani mo pisinisi i le ACT
O le a fausia e Kuiniselani se nofoaga faanofoesea lata i Toowoomba

Niu Sau Uelese

Ua faamauina i Niu Sau Uelese, cases fou e 1,029, a ititi mai pe a ma le 37 sa iai pea i le komiuniti ae ua aafia. Toatolu ua maliliu, e lei faia ni tuipuipui.

Folafola e le Premier, Gladys Berejiklian nisi saolotoga mo tagata ua maea ona faia uma tuipuipui amata atu i le aso 13 o Setema.

O tagata e aumau i fafo mai o pulega faaitumalo o loo iai popolega, o le a mafai ona potopoto i fafo mai o o latou fale i ni kulupu e oo atu i le toalima, ae ia i totonu o le lima kilomita mai o latou fale.
O aiga o loo i totonu o pulega faaitumalo o loo iai popolega o le a mafai foi ona potopoto i fafo mai o o latou fale ae manaomia ona mulimulita'i i aiaiga o lo'o iai i lea taimi atoa ai ma sa faapea foi ma tapulaa mo faamalositino.

Faatonu loa lou tui puipui i le asō.

Vitoria

Ua faamauina cases fou e 80 mai Vitoria, 41 o ia cases sa iai pea i le komiuniti i le taimi ua aafia ai.

O tagata i lalo o le 40 tausaga o loo ua iai appointments o le AstraZeneca ua maea ona faia, o le a otomeki lava ona maua le tui o le Pfizer ina ua oo atu le 25,000 o tui o le Pfizer i Vitoria pei ona saunoa iai Commander Jeroen Weimar.

Saili ii se nofoaga e fai ai tui puipui e lata ane ia oe.

Australian Capital Territory (ACT)

Ua faamauina cases fou e 14 i le ACT ma ua o'o atu ai le aofai o cases i le 190.

O pisinisi i Canberra ua aafia i le Vavao, ua mafai nei ona talosaga mo fesoasoani e o'o atu i le $10,000 mo kamupani faa faigaluega ai tagata faigaluega ma le o'o atu i le $4,000 mo kamupani e le o faafaigaluegaina ni tagata.

Kiliki ii e siaki ai lou agavaa mo le faia o tui puipui o le KOVITI-19.

Le 24 itula talu ai nei i Ausetalia

O le a fausia e Kuiniselani se nofoaga faanofoesea i Wellcamp Airport lata i Toowoomba.
O tamaiti uma ua silia ma le tai 12 tausaga i le Northern Territory ua agavaa nei mo le tui puipui o le Pfizer.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.