Lipoti lata mai o le KOVITI-19: Ulufale Niu Sau Uelese i le vaiaso mulimuli o le vavao ae avea Melepone ma aai aupito i umi ona aafia i vavao i le lalolagi atoa.

Lipoti lata mai ole Koronavairusi i Ausetalia, aso 4 o Oketopa, 2021.

People are seen exercising at Albert Park Lake in Melbourne, Monday, October 4, 2021. Melbourne has become the most locked down city in the world, surpassing the 245-day record set by Argentina's Buenos Aires. (AAP Image/Daniel Pockett) NO ARCHIVING

People are seen exercising at Albert Park Lake in Melbourne, Monday, October 4, 2021. Source: AAP Image/Daniel Pockett

I Vitoria, o le 45 pasene o cases fou ua faamauina e i lalo ifo o le tai 30 tausaga le matutua
E amata i le asō le vavao e fitu aso i Lismore i nofoaga maotua o Niu Sau Uelese
Silia ma le 93 pasene o tagata Canberra e 12 tausaga ma sili atu, ua mae'a faia isi vaega o tui puipui
Faamauina i Kuiniselani seisi case fou e tasi mai le komiuniti

Vitoria

Ua faamauina i Vitoria cases fou e 1,377 ma tagata e toafa ua maliliu.

O vaegāmea ole vairusi ua mata'ituina i suavai palapalā i Mildura. Ua faaopoopo le lisi o nofoaga (Tier 1 exposure sites) i nofoaga maotua o Vitoria, e aofia ai Morwell ma Shepparton.

O tagata Melepone ua o'o atu i le 246 aso o aumau pea i lalo o poloaiga o le nonofo ile fale i vavao e ono sa faatinoina ma ua pasi ai ma le matāti'a sa faatu e le laumua o Argentina o Buenos Aires.

Saili se nofoaga e fai ai tui puipui lata ane ia oe.

Niu Sau Uelese

Ua faamauina cases fou e 623 i Niu Sau Uelese ma tagata e toaono ua maliliu.

Ua folafola se poloaiga o le nonofo ile fale mo le pulega faaitumalō a Lismore seia o'o ile aso 11 o Oketopa, ma e apalai i so'o se tagata sa iai i lea faaitu talu mai le aso 28 o Setema.

Ua amata faatulaga le vaiaso mulimuli o le vavao a Niu Sau Uelese, ma le 67.1 pasene o tagata e silia ma le 16 tausaga le matutua, ua mae'a uma ona faia tui puipui ina ua aulia le vaeluaga o le po o le aso Toonai, 2 o Oketopa.

Kiliki ii ina ia faatonu sou avanoa mo tui puipui i le asō.

Australian Capital Territory (ACT)

Ua faamauina i le teritori cases fou e 28 ma tagata e toalua ua maliliu.

O le taimi nei e toa 16 gasegase o le koviti o lo'o taofia i falema'i, e aofia ai ma le toalima i vaega tigaina ma le toatasi o lo'o faaaogā le masini faamanava.

E silia ma le 93 pasene o tagata e nonofo i le ACT ma agavaa e fai tui puipui, ua mae'a ona faia tui puipui muamua ole koviti.

Kiliki ii e faatonu lou tui puipui o le KOVITI-19.

Le 24 itula talu ai nei i Ausetalia

Ua faatuputeleina pea le lisi o exposure sites a Kuiniselani ae o leisi case fou e tasi sa iai i le komiuniti mo aso e 10 ae ua aafia.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.