Lipoti lata mai o le KOVITI-19: Faamoemoe le Premier o Niu Sau Uelese ia o'o atu i le aso muamua o Tesema, ua toe fo'i i le tulaga na masani ai (Covid Normal).

Lipoti lata mai o le Koronavairusi i Ausetalia, aso 27 o Setema, 2021.

Public arrives at the Birrong Leisure and Aquatic Centre, after outdoor swimming pool were allowed to open today in Sydney, Monday, September 27, 2021. Source: AAP Image/Bianca De March

Faatulaga e Niu Sau Uelese ni vaega se tolu e aga'i ese ai mai le vavao
Folafola e Vitoria fesoasoani mo GPs ma faletalavai ia unaia ai le faia o tui puipui
Faamauina le uluai tagata ua maliu mai le ACT e iai le sootaga i le KOVITI-19 ua toe pepesi nei

Niu Sau Uelese

Ua faamauina i Niu Sau Uelese cases fou e 787 ma tagata e toa 12 ua maliliu.

Ua faataga nei ona toe tatala vaitaele i fafo o fale ma ua mafai ona toe faaauau galuega faufale e pei ona masani ai ae ia iai ni fuafuaga mo le saogalemū mai le KOVITI.

Ua faamaonia e le Premier, Gladys Berejiklian o le a toe faamāmā atili isi aiaiga o le vavao i le aso 11 o Oketopa ma ua folafola nisi o fet'uuna'iga i le faatulagana o le 70 pasene, o lea ua lē faatagaina femalagaa'iga maotua se'i vaganā ua ausia le 80 pasene o tagata ua faia uma tui puipui e lua.

Ua fa'aata mai e le premier le faafanua mo le faamāmāina o aiaiga o le vavao i le ausia ai o le 80 pasene o tagata ua mae'a faia tui puipui uma e lua,o le a aveesea ai le tapulaa o lo'o iai i le aofa'i o tagata ua mae'a faia tui puipui e mafai ona auai i se faaipoipoga po'o se maliu, o le a mafai ona toe faaauau taaloga i komiuniti ma o le a mafai ona o'o i le toasefulu tagata e mafai ona potopoto i se fale.

O le vaega lona tolu o lea faatulagana ua faaigoa o le "COVID Normal" ua faatulaga mo le aso 1 o Tesema, ua fuafua e o'o atu iai ua ausia e le setete le 90 pasene o tagata ua mae'a ona fai uma tui e lua.

Kiliki nei loa ina ia faatonu sou avanoa mo sou tui puipui.

Vitoria

Ua faamauina cases fou e 705 i Vitoria ma le tagata e toatasi ua maliu.

Folafola e le Premier o Daniel Andrews nisi o fesoasoani ua avanoa ane mo GPs ma faletalavai a komiuniti i pulega faaitumalo e 11 o lo'o maualuga ai le aofa'i o cases ae itiiti le aofa'i o tagata ua fai tui puipui, e aofia ai Moreland, Brimbank, Cardinia, Casey, Darebin, Greater Dandenong, Hobsons Bay, Melton, Whitlesea, Windosr ma Hume.

Saili se nofoaga e fai ai tui puipui o lata ane ia oe.

Australian Capital Territory (ACT)

Ua faamauina cases fou e 19 mai le teritori ma le tagata e toatasi ua maliu.

I Canberra, e toalua tagata o le a mafai ona asia seisi fale ma ua faaopoopo atu i le 4 itula le umi o le taimi e mafai ona malolō ma tafafao ai amata atu i le aso 1 o Oketopa.

Kiliki ii e faatonu sou tui puipui o le KOVITI-19

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.