Lipoti lata mai o le KOVITI-19: O lo'o faagasolo e Niu Sau Uelese le faia o tui puipui mo komiuniti o tagata na uluai nofoia le atunuu (Indigenous), ausia e Vitoria se matāti'a fou o le aofa'i o tagata a'afia i le KOVITI-19.

Lipoti lata mai o le Koronavairusi i Ausetalia, aso 18 o Setema, 2021.

Australian Wiradjuri elder and Indigenous rights activist Aunty Jenny Munro gestures after receiving a Covid-19 vaccine at a pop-up vaccination clinic... Source: AAP/Dan Himbrechts

O lo'o faagasolo nei e Niu Sau Uelese le faia o tui puipui mo komiuniti o tagata na uluai nofoia le atunuu (Indigenous).
E ono itula ua taofia ai femalagaa'iga faalaua'itele i le ogatotonu o Melepone
Taunuu mai le uluai uta o tui puipui o le Moderna i Ausetalia
Ausia e Kuiniselani le silia ma le 40 pasene o ona tagata ua mae'a ona faia uma tui puipui

Niu Sau Uelese

Ua faamauina i Niu Sau Uelese cases e 1,331 ma tagata e toaono ua maliliu. E o'o mai i le taimi nei e 1,219 gasegase o le koviti o loo taofia i maota gasegase.

O Dr Jeremy McAnulty mai le NSW Health na ia lipotia e 81.2 pasene o tagata e agavaa e fai tui puipui i le setete, ua mae'a nei ona faia tui muamua ma le 50.6 pasene o tagata ua mae'a ona faia uma tui puipui e 2.

O lo'o faagasolo nei e Niu Sau Uelese i le setete atoa le faia o tui puipui mo komiuniti a tagata na muai nofoia le atunuu (Indigenous) i le faaiuga o le vaiaso lenei. O lo'o ave le faamuamua a nofoaga e fai ai tui puipui i le tuuina o le Pfizer mo i latou e 12 tausaga ma lalo ifo.

Kiliki ina ia faatonu sou tui puipui i le asō.

Vitoria

Ua faamauina i Vitoria cases e 535 ma le toatasi ua maliu. Mai lea aofaiga, o le 62 o i latou ia e iai sootaga ia i latou ua maae'a pesia.

O femalagaa'iga lautele i le ogatotonu o Melepone ua taofia mo le 6 itula mo le faamoemoe ia aafia ai nisi o fuafuaga mo solo tetee aga'i i le vavao. Lapata'i mai le Matagaluega o Felaua'iga a Vitoria e na'o tagata e manaomia ona faigaluega (essential workers) ma tagata o lo'o aga'i mo le faia o tui puipui, o le a faataga i le ogatotonu o le aai.

Saili se nofoaga e fai ai tui puipui lata ane ia te oe.

Le 24 itula talu ai i Ausetalia.

Faamauina i le ACT cases fou e 15, a itiiti mai pe a ma le toafitu o i latou ia sa iai pea i le komiuniti ile taimi na aafia ai.
Ua ausia e Kuiniselani le 40.54 pasene o tagata e agavaa e fai tui puipui, ua mae'a ona faia uma tui puipui e lua.
O le uluai uta o le tui puipui o le Moderna lea ua taunuu i Ausetalia, pe a ma le miliona le aofa'i o tui puipui ua fuafua e o'o mai i le atunuu amata atu i le faaiuga o le vaiaso nei.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.