Lipoti lata mai o le KOVITI-19: Fautuaina tagata i Niu Sau Uelese ia aua le faalēano, e ui i le faamamā o nisi o aiaiga o le Vavao.

Lipoti lata mai o le Koronavairusi i Ausetalia, aso 13 o Setema 2021

Police patrol Bondi beach, in Sydney, Saturday, September 11, 2021. Source: AAP Image/Dan Himbrechts

I Niu Sau Uelese, ua mafai nei ona faia tui puipui o tamaiti e silia ma le tai 12 tausaga i fomai faalotoifale (GPs)
O le KOVITI-19 ua mafua ai fesuia'iga tetele i auaunaga a nofoaafi i Vitoria
Folafola e le ACT avanoa mo tui puipui mo tamaiti e silia ma le tai 12 tausaga
Faamauina i Kuiniselani nisi cases fou se lua mai le komiuniti

Niu Sau Uelese

Ua faamauina i Niu Sau Uelese, cases fou e 1,257 ma le toafitu o tagata maliliu.

O faaitu aupito i tele iai cases o Greenacre, Auburn, Liverpool, Punchbowl, Guildford, Redfern, Bankstown, Condell Park ma Busby. Ua siitia foi le aofai o cases i aso taitasi i faaitu i le ogatotonu o le aai e pei Glebe ma Redfern.

Amata atu i le asō, o tamaiti e i le va o le 12-15 tausaga e mafai ona fai le tui puipui o le Pfizer i le GP ae o le Moderna ole a avanoa i faletalavai amata ile vaiaso fou.

O tagata ua mae'a ona faia uma tui puipui ua mafai nei ona faataga ona faapotopoto i fafo ane o ō latou fale i ni kulupu e oo atu i le toalima.

Kiliki ina ia faatonu sou avanoa mo tui puipui i le asō.

Vitoria

Faamauina i Vitoria cases fou e 473, o le aofa'i aupito maualuga lea i le setete talu ona toe pepesi le faama'i.

Mai le po anapo, e fa isi nofoaga o Childcare centres ua aofia i le lisi o exposure sites tier 1. E toalima avetaavale V/Line ma tagata faigaluega ua faamaonia le aafia i le vairusi ma ua faamalosia ai le faanofoesea o le faitau selau o tagata faigaluega ma ua tele ai ni fesuiaiga i auaunaga a nofoaafi poo trains.

Saili se nofoaga e fai ai tui puipui e lata ane ia oe.

Australian Capital Territory (ACT)

E 13 cases fou ua faamauina i le teritori.

Amata atu i le aso 20 o Setema, o tamaiti e 12 -15 tausaga, o le a mafai ona faatonu se tui puipui i se clinic a le Malō i le ACT.

Kiliki ii e siaki lou agavaa mo tui puipui o le KOVITI-19.

Le 24 itula i Ausetalia

O cases e lua mai Kuiniselani e iai sootaga i se aoga i Brisbane lea na faamaonia mai ai le aafia o se teine aoga i le vaiaso talu ai.
O le Australian Technical Advisory Group (TGA) i mataupu tau Tui Puipui ua o latou fautuaina le tui puipui o le Moderna mo tagata uma e 12 tausaga ma sili atu.

Faanofoesea, faimalaga, nofoaga mo le faia o siaki ma peimeni o le faama'i

O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.