Talafou KOVITI-19: Matati'a i le aofa'i o tagata pesia i Queensland

O faamatalaga ma lapata'iga mulimuli nei o le koronavairusi i Ausetalia, Aso 1 Aukuso 2021.

Dr Jeannette Young, afisa mkuu wa afya wa Queensland azungumza na waandishi wa habari mjini Brisbane, Jumapili, 1 Agosti, 2021 Source: AAP Image/Jason O'Brien

Taumafai le malo setete i NSW e 'ausia le 80% o tagata e faia tui puipui.
Si'itia i le to'a 18 tagata ua pesia i le koronavairusi (Delta strain) i Queensland.
Mautinoa so'otaga o tagata e to'a 4 na pesia i Vitoria.
'Ova i le 40% o tagata i luga o le 16 tausaga le matutua i Ausetalia ua mae'a tui puipui muamua mo le KOVITI-19.

New South Wales

E to'a 239 tagata ua faamaonia le pesia mo le taimi muamua i NSW, o le to'a 61 o i latou na feoa'i i nofoaga faitele ae o latou tau'aveina le vairusi. E lata i le to'a 120 o tagata ua pesia i le aso ua mavae atu e le o mafai ona tuliloa pe o fea na pesia mai ai.

Na saunoa se sui o le NSW Health, Dr Jeremy McAnulty, e to'a 54 tagata o loo tausia i potu tigaina (intensive care i falema'i, o le to'a 49 o i latou e le'i faia ni tui puipuia.

Na faaalia e le palemia setete, Premier Gladys Berejiklian, o loo iai le naunauta'iga i lana faigamalo e o'o i le 80% o tagata matutua uma i NSW e mae'a ona faia tui puipui.

Mo le lisi o nofoaga e mafai ona faia ai sou tui puipui list of vaccination clinics.

Queensland

E to'a 9 tagata na pesia mo le taimi muamua i Queensland i le aso ua mavae, o le aofa'i aupito to'atele lenei i se aso e tasi i le 'ova nei i le tausaga.

Na faaalia e le Queensland Chief Health Officer, Dr Jeanette Young, ua vave ona sasao le pepesi o le faama'i ma ia 'ai'oi i tagata uma e faia vave a latou tests pe o pesia.

E 11 pulega faaitumalo i South East Queensland ua i lalo neo o Sa ma Vavao mo ni aso e tolu ona o le pepesi ai o le faama'i, ma e maua fesoasoani tupe mo i latou o loo aumau ai pe a o feagai ma ni faafitauli i le tau o le soifuaga.

Mo le lisi o nofoaga o loo pepesi ai le koronavairusi list of exposure sites.

24 itula ua mavae i Ausetalia

E to'a 4 tagata na pesia mo le taimi muamua i Vitoria ae ua mautinoa uma nofoaga na pesia mai ai, ma na tausi puipuia uma i le taimi na faamaonia ai i tests le pesia.
I ni faamaumauga lata mai, na iloa ai ua 'ova i le 40% o tagata matutua uma i le atunu'u ua mae'a ona faia tui puipui muamua mo le koronavairusi.

Quarantine, femalaga'iga, nofoaga o tests ma le totogi pandemic disaster payment

O mataupu i le Quarantine ma le faia o tests, o matafaioi a malo Setete ma Teritori:

NSW Travel & transport ma Quarantine

VIC Travel permit, Overseas travellers ma Quarantine

ACT Transport ma Quarantine

NT Travel ma Quarantine

QLD Travel ma Quarantine

SA Travel ma Quarantine

TAS Travel ma Quarantine

WA Travel ma Quarantine

A e fia faimalaga i se atunu'u i fafo, e ono mafai ona e talosaga mo se faatagaga i luga o le 'upega o feso'ota'iga. Click here mo nisi faamatalaga i auala e mafai ai ona e malaga i fafo mai Ausetalia. E iai aiaiga le tumau mo malaga faavaomalo o loo iloiloina i taimi uma e le malo ma e mafai ona e mauaina faamatalaga i luga o le Smart Traveller website.