Ua faamauina i Niu Sau Uelese se aofaiga maualuga tele o cases fou talu mai le amataga o le pandemic.
O loo suesueina pea e Vitoria leisi case e tasi e lē o iai sona sootaga i isi cases ua faamauina.
E lua cases fou ua faamauina mai i Ausetalia i Saute.
O leisi foi vaiaso o le faamalosia pea o le faia o talifofoga a tagata Kuiniselani.
Niu Sau Uelese
Ua faamauina i Niu Sau Uelese cases fou e 239 ole koronavairusi ma tagata e toalua ua maliliu - o se tinā pe a male 90 tausaga ma le tamā pe a ma le 80 tausaga le matua, e aumau uma i le itu i saute i sisifo o Sini. O le mafuaaga o le pepesi ole faamai i cases e toa 126 o loo suesueina ile taimi nei mae 81 i latou na faanofoesea ile taimi atoa na aafia ai ile faama'i.
Fai mai le Premier, Gladys Berejiklian o tagata o loo aumau i local government areas poo faaitu e 8 o loo iai popolega e aofia ai Fairfield, Canterbury-Bankstown, Liverpool, Cumberland, Blacktown, Paramatta, Campbelltown ma George's River, o le a lē mafai ona faatagaina e faimalaga ese mo le silia i le 5 kilomita mai o latou fale.
O faasalaga mo le lē faia o le mask poo le talifofoga i Niu Sau Uelese ua siitia mai le $200 ile $500. Amata atu taeao ole a tuuina i leoleo le malosiaga e tapunia ai pisinisi e faaauau pea ona lē usitaia tulafono.
Saili ii mo suiga i tulafono o le KOVITI -19 ma ona sa.
Vitoria
E 6 isi cases fou ua faamauina ile setete. O cases uma ia e iai lo latou sootaga i isi ua aafia talu ona pepesi le Delta Variant ma sa iai i nofoaga faanofoesea ao aafia.
O loo tau sailia pea e le puega a le Soifua Maloloina le amataga poo le mafuaaga o se tasi o case na maua i le aso ananafi.
Saili ii suiga i gaioiga tau saogalemu mo le KOVITI.
Le 24 itula talu ai nei i Ausetalia
E lua isi cases fou ua faamauina i Ausetalia i Saute ma sa faanofoesea uma ile taimi o loo aafia ai.
O i latou o loo aumau i local government areas poo faaitu e 11 i Kuiniselani i Saute i Sasa'e, o le a manaomia ona faaaoga talifofoga mo le vaiaso atoa.
Faanofoesea, faimalaga, nofoaga mo le faia o siaki ma peimeni o le faama'i
O le faanofoesea ma manaoga mo le faia o siaki e puleaina ma faamalosia e le setete ma le faigamalo a teritori.
Afai e te fia malaga i atunuu i fafo, e ono mafai ona e apalai i luga o le upega tafailagi mo se faatagana (exemption). Kiliki iinei mo nisi faamatalaga e faatatau i aiaiga o le tuua ai o Ausetalia. O loo iai ni vaega ua faatulaga le tumau mo faigamalaga faavaomalo ma e fai ma iloilo e le malo ma toe faafou nisi o faamatalaga i le Upega tafailagi a le Smart Traveller.
- Talafou ma Faamatalaga i le silia ma le 60 o gagana ile sbs.com.au/coronavirus
- Taiala talafeagai mo lou setete poo le teritori: NSW, Victoria, Queensland, Western Australia, South Australia, Northern Territory, ACT, Tasmania.
- Faamatalaga e faatatau ile COVID-19 vaccine in your language.
Asiasi ile auaunaga ua faaliliuina a le NSW Multicultural Health:
Fesootaiga
Nofoaga mo le faia o siaki i setete ma teritori:
Faamatalaga mo peimeni o le faama'i i setete
