Tala mulimuli nei i le kOVITI-19: Faaopoopo aso o le Vavao i Vitoria, 98 tagata pesia i NSW.

O faamatalaga mulimuli mai nei i le pepesi o le Koronavairusi i Ausetalia Aso 19 Iulai 2021.

A person is seen crossing a quiet Flinders Street in Melbourne, Monday, July 19, 2021. (AAP Image/Daniel Pockett) NO ARCHIVING

A person is seen crossing a quiet Flinders Street in Melbourne, Monday, July 19, 2021. Source: AAP Image/Daniel Pockett

Faaopoopo aso o Sa ma Vavao i Vitoria
To'a 98 tagata ua pesia i New South Wales, e to'a 20 i latou na feoa'i i nofoaga faitele o pesia
Tatala talosaga mo fesoasoani tupe i le Service NSW mo pisinisi laiti ua a'afia i Sa ma Vavao o le KOVITI-19
Taunu'u le uta e miliona tui o le Pfizer vaccine e tulei atili ai le polokalame o tui puipui mo le KOVITI.

Vitoria

Ua le taunu'u ona tatalaina Sa ma Vavao o puipuiga o le pepesi o le KOVITI-19 i Vitoria i le po o le Aso Lua e pei ona sa fuafuaina e le malo. O loo iloilo toto'a nei e le palemia Setete, Premier Daniel Andrews, aiaiga ma le taimi e tatala ai le Sa.

E to'a 13 tagata i Vitoria na pesia i le aso ua tuana'i ma le to'atasi o se tagata na pesia mai fafo. Ua o'o ai i le to'a 81 le aofa'i o tagata ua pesia i Vitoria talu ona toe pepesi le faama'i i le Setete.

E to'a15,800 tagata o loo lisi i le iai o so'otaga lalata ma e ua pesia ma o loo tausi puipuia, pe quarantine ma le 250 nofoaga ua pesia ai tagata (exposure sites). Sa'ili iinei locations of the cases e iai ma le lisi ma se fa'afanua.

New South Wales

E to'a 98 tagata ua pesia mo le taimi muamua i le Koronavairusi i New South Wales, o le 2/3 o le aofa'i o tagata i pitonu'u i Saute i Sisifo o Sini. To'a 61 e isi so'otaga ma clusters us faamauina; o loo suesuina pea le mafuaaga o le pesia o nisi tagata e to'a 37. E to'a 20 tagata na feoa'i i nofoaga faitele ae o tau'aveina pe o pesia i le vairusi.

Sa'ili iinei locations of the cases mo le lisi ma se fa'afanua.

I le taulaga tele o Sini, o faatonuga fou o Sa ma Vavao, ua aofia ai le taofia o galuega faufale uma, fale'oloa e le faatauaina (non-essential), ae le aofia ai supamaketi, faletalavai, faletupe, ma fale e faatau ai le 'ava malosi ma 'ave.

Ua amata nei ona taliaina i le Service NSW talosaga mo fesoasoani tupe i pisinisi laiti ua a'afia ona o Sa ma vavao o puipuiga o le KOVITI-19. O pisinisi uma e aofia ai i latou na talosaga i lalo o le 2020 Small Business COVID-19 Support ma le Small Business Recovery e mafai ona talosaga. E tapunia talosaga uma i le 11:59pm Aso 13 Setema 2021. Mo nisi faamatalaga, asiasi i le 2021 COVID-19 business grant – Guidelines.

O Sa ma Vavao nei e faamalosia se'ia tau i le 11:59 pm Aso Faraile 30 Iulai.

24 itula ua mavae atu nei i Ausetalia

Leai seisi na pesia i Queensland i se community transmission.
O se va'a la'u'oloa o loo iai ni tagata se to'a 7 o le auva'a o loo masalomia le pesia i le Koronavairusi ua faatagaina ona tau i le uafu i Fremantle.
'Ova i le 800,000 tui o le Pfizer vaccine ua taunu'u i sini ma le lata i le 100,000 tui o le Pfizer ua taunu'u i Melbourne.

FAAMATALAGA SESE I LE KOVITI-19:

E le a'afia tupulaga talavou ma malolosi mai le KOVITI-19. E na o tagata matutua ma mama'i e a'afia ma maliliu ai.

FAAMATALAGA MONI I LE KOVITI-19:

E tele ina matuia a'afiaga o tagata matutua ma e iai gasegase tumau i le vairusi, peita'i, e a'afia ma mafai ona maliliu ai fo'i tupulaga talavou o loo malolosi.

Quarantine, femalaga'iga, nofoaga o tests ma le totogi pandemic disaster payment

O mataupu i le Quarantine ma le faia o tests, o matafaioi a malo Setete ma Teritori:

NSW Travel & transport ma Quarantine

VIC Travel permit, Overseas travellers ma Quarantine

ACT Transport ma Quarantine

NT Travel ma Quarantine

QLD Travel ma Quarantine

SA Travel ma Quarantine

TAS Travel ma Quarantine

WA Travel ma Quarantine

A e fia faimalaga i se atunu'u i fafo, e ono mafai ona e talosaga mo se faatagaga i luga o le 'upega o feso'ota'iga. Click here mo nisi faamatalaga i auala e mafai ai ona e malaga i fafo mai Ausetalia. E iai aiaiga le tumau mo malaga faavaomalo o loo iloiloina i taimi uma e le malo ma e mafai ona e mauaina faamatalaga i luga o le Smart Traveller website.