E fa'aaoga e nisi e sa'ili ai se uo poo se mafutaga faasamasamanoa, ae mo nisi o loo sa'ili ai se mafutaga tumau e ono i'u i se faaipoipoga poo se to'alua.
Ua tatou faalogo so'o i tagata ua gau le faitau afe ma afe tala o tupe i le faatosina ma se tau faasese a seisi tagata i luga o le 'upega tafa'ilagi i se faiga pa'aga.
E le gata i lea, o tagata e sa'ili i luga o faasalalauga nei, online dating, ni uo ma pa'aga e i'u ane fai iai faiga saua ma solitulafono.
O le mafua'aga lea o le aumaia o se lapata'iga mai le malo tele i kamupani e pei o Tinder, e faatulagaina puipuiga o tagata e fa'aaogaina a latou 'au'aunaga.
Na saunoa le minisita o feso'ota'iga, Michelle Rowland, ua tatau ona iai se suiga i auala e aoina ai faamatalaga ma le lipotia o ni faiga solitulafono e kamupani nei.
"There is a lack of consistency in how online dating platforms are collecting data, responding to reports of harm, engaging with law enforcement and responding to vulnerable users. We want to see a lift in safety right across the industry."
O se ripoti a le Australian Institute of Criminology i le 2022, na iloa ai le to'atele (lata i le 60%) o tagata na molimauina faiga saua mai nisi na latou feiloa'i iai i luga o se dating app.
Na faaalia e le faatonu o le Stop Australia, Tara Hunter, e tatau i kamupani nei ona faamanino ia latou faasalalauga amioga tala feagai, ma amioga e le taliaina i tagata e fa'aaogaina a latou 'au'aunaga.
"We want to see apps, making it straightforward, being very clear about what is acceptable and unacceptable behaviour and how people can get support if they feel like they're at risk and they have safety concerns."
E tatau ona aofia ai ma faamatalaga i le tulafono o le 'maliega' poo le 'consent' ae le'i faia ni feusua'iga.
E pei ona saunoa Eloise Layard o le faalapotopotoga le ACON (AIDS Council of New South Wales), e tatau ona manino ai fo'i aia tatau a itupa LGBTQI+ i puipuiga mai le sauaina ma faiga solitulafono.
"If, for example, there's consent messaging that's being shared to the apps, how applicable is that to people of a variety of different genders and sexualities? I think there's an amazing opportunity to tailor that information and make sure that sure that everyone has access to information as to how they can make these spaces safer and community focused."
Na saunoa Michelle Rowland, le minisita o feso'ota'iga, o le tiute tau'ave o kamupani dating apps, o le faamautinoa le saogalemu o tagata e fa'aaogaina a latou 'au'aunaga.
A le faia, o le a faatulafonoina e le malo tele.
"We want to have a graduated and staged approach to how regulatory intervention is done in this space. But be in no doubt: if this does not deliver improved safety for Australian users, we will have no hesitation in taking this further."
(That story by Naveen Razik for SBS News).
