O le maliega na faailoa mai i se faamatalaga tusitusia i le fonotaga a ta'ita'i o le Pacific islands Forum lea na usuia i Suva i Fiti i le vaiaso nei.
Na lagolagoina ai ma se mau a Vanuatu o loo ta'ua ai le tatau ona va'ai i le faatalale i puipuiga o suiga o le tau o se tulaga e solia ai aia tatau a tagata i le lalolagi.
Na saunoa Anthony Albanese o loo lagolagoina e ta'ita'i o le Pasefika le tulaga o Ausetalia i faafitauli o fesuia'iga o le tau ma ana polokalame.
["All of our Pacific Island friends and leaders who were very positive about Australia's role at the meeting. They were positive and reflected, as well, in the communique. They welcomed Australia's new position on climate change."]
********************************************************************************))
I nisi tala.....
Ua faaalia e le malo tele le faalauteleina o le polokalame o tagata faigaluega faavaitaimi mai le Pasefika, le Pacific Australia Labour Mobility (PALM) scheme i galuega o 'au'aunaga - i nofoaga e tausi ai tagata matutua (aged care) ma i latou e iai mana'oga faapitoa (disability care).
Na faaalia e le palemia, Anthony Albanese, o galuega nei o le a manuia ai Ausetalia ona o loo mana'omia le 'aufaigaluega mo 'au'aunaga nei, ae o le a manuia ai fo'i tagatanu'u o le Pasefika ma atina'e o tamao'aiga o atunu'u laiti ona o le seleni o le a maua ma lafo atu e tagata faigaluega.
I lalo o le polokalame lenei, e mafai ona o'o i le 4 tausaga le 'umi o le Visa faigaluega o se tagata e faigaluega ai i Ausetalia.
END***************************************************************************))
