E ui i lea e le'i aumaia ai ma se fautuaga e tulei e le matagaluega o leoleo ni moliaga e faasino ia Gladys Berejiklian.
O le faai'uga o le su'esu'ega na lauina i le palemene o NSW e le faatonu sili o le ICAC, Lewis Rangott.
"We're here this morning to present our investigation report into the matter called Operation Keppel. The report makes serious corrupt conduct findings against two individuals, the former Wagga Wagga MP, the former Premier."
Na faaalia i le su'esu'ega e le'i amiotonu ma faamaoni Gladys Berejiklian i lona le faaalia manino o lana faiga pa'aga ma le sa avea ma sui faipule o Wagga Wagga, Daryl Maguire.
Ma o nisi o ana faai'uga na faia i se tulaga fa'aalatua ma manatu faapito ona o lea faiga pa'aga.
O se tasi o mata'upu na manino ai lona faaitu'au ma manatu faapito, poo se conflict of interest, o lona se'ei i se komiti a le kapeneta na iloiloina ma pasia fesoasoani tupe poo grants e faitau miliona tala ($) mo le itumalo o Wagga Wagga, e aofia ai le $5 miliona mo le Australian Clay Target Association ma le $10 miliona mo le Riverina Conservatorium of Music.
Na faamavae Gladys Berejiklian ma le tofi palemia setete i le 2021.
Aisea ua le molia ai Berejiklian i le tulafono?
Na saunoa AJ Brown o le Transparency International, e le o taimi uma e avea ai ma se solitulafono faiga fa'aalatua ma le amiotonu.
"I think the key thing is corruption is not always criminal. She compromised decision making processes as a result of her undeclared personal interest. Those things are also clearly corruption."
Na saunoa le ta'ita'i o le Liberal Party, Mark Speakman, e ui i le matuia o faai'uga ua aumaia i le su'esu'ega a le ICAC, ae le galo ai le sao taua o Glady Berejiklian i le setete ma 'upufai i New South Wales.
"Well look everything I saw as a minister from Gladys displayed the highest integrity. She worked 24/7, everything I saw, she behaved honestly, diligently."
Na saunoa le palemia setete o New South Wales, Chris Minns, e manatuaina le sao o Gladys Berejiklian i fuafuaga ma polokalame o le puipuiga o le faama'i KOVITI-19.
Ae o le mata'upu i le faailoa manino o vaega e ono fesiligia ai le faaitu'au ma manatu faapito o se sui, o se mata'upu taua i 'upufai o le palemene ma e tatau i sui uma ona mulimulita'i iai.
"We must manage conflicts of interest and declare them. That has been a fundamental principle since the foundation of the New South Wales Parliament. It remains the case today and my government takes that warning incredibly seriously."
Ae mo Daryl Maguire, ua fautuaina le matagaluega le Department of Public Prosecutions, e su'esu'eina pe tala feagai ona faia ni moliaga o Maguire i loina fa'aaogaina o lona tofi i le palemene e sa'ili ai sona lava manuia.
(Ripoti na faamaopoopoina e Lucy Murray ma Naveen Razik mo le SBS News, tapenaina mo faasalalauga e Ioane Tiperio Lafoa'i mo le SBS Samoan).
