Na leoleoa le tete'e na faia e nisi e faasaga i le sui Ambassador o Saina i Ausetalia, Xiao Qiang, ae o faia sana saunoaga i le Australia-China Relations Institute i leUniversity of Technology Sydney.
Na tau vala'au nisi ma fu'a e faasa'oloto Tibet, “Free Tibet” faapea ai ma “Free Hong Kong”.
[[”Noise "Free Hong Kong! Free Tibet! Free Turkestan!" (Noise) It is unacceptable to give this platform to a genocidal dictatorship. it’s committing genocide in Tibet... (noise) / Madam could you please leave the room now?"]]
O le lauga a le Ambassador na faia ina ua toe molimauina le mafana teisi o le va o Saina ma Ausetalia talu ona tula'i mai le faigamalo fou a le labor ma Anthony Albanese i le tofi palemia.
Na ta'ua e Xiao Qian o se taimi taua lenei i le va o atunu'u e lua e toe fotua'i ai le va fealoa'i.
[[”The recent years of our relationship has been a difficult period, undeniably. Nonetheless, China's policy of a friendly cooperation towards Australia remains unchanged. And looking to the future, China- Australia relations enjoyed great potential for cooperation and a bright prospect. This is the message that I brought with me from China.“]]
.............................................................................
Ua pasia e le Senate o le fono faitulafono i Amerika tulafono e pulea ai le umia sa'oloto e tagata sivili o fana ma faaitiitia ai le tupu mai o faalavelave e pei ona maliliu ai tagata i lea atunuu.
O le tulafono na toe tuleia e nisi o sui talu mai le faalavelave lea na maliliu ai tamaiti a'oga e to'a 19 ma faia'oga e to'a 2 i se a'oga tulagalua i Uvalde, Texas, ina ua tafanaina e se tama talavou e 18 tausaga le matua.
Na pasia le tulafono 65 i le 33 ina ua kolosi le fola o le maota e sui e to'a 15 o le Republicans ma palota faatasi ma sui o le Democrats.
I lalo o le tulafono, o le a au'ili'ili ai siaki mo tagata i le va o le 18 ma le 21 tausaga le matutua e fia talosaga e faatau se fana - aofia ai le iloiloina o faamaumauga soifua maloloina ma ni faamaumauga i le maloloina faalemafaufau o se tagata e 16 tausaga le matua e fia faatau sana fana.
..............................................................................
Ae ua viia e le peresitene o le Asosi mo Fana le New York State Rifle and Pistol Association, le faai'uga a le Faamasinoga sili, le Supreme Court o loo faapea mai, o le aia tatau a tagata Amerik i lalo o le Faavae le umia o fana i nofoaga faitele mo lo latou puipuiga.
O se faai'uga ua fete'ena'i ma le tulafono a le Setete o New York e faatapula'a ai fana e mafai ona umia faaliolilo e se tagata i nofoga faitele, poo fafo mai o lona fale.
O le peresitene o le NRA i New York, o Tom King.......
[[It's a huge victory for lawful gun owners of New York state, and it's going to change the playing field from here on out, and I'm looking forward to working with a decision like this behind me. And I ran it by the NRA, who was a big supporter in this case, this case wouldn't have been possible without them. And we decided that it was a good case to challenge the law with.]]
O le faai'uga e ono a'afia ai tulafono a isi Setete o loo taumafai e pulea le fa'aaogaina e tagata lautele o fana e faia ai osofa'iga ma maliliu ai nisi e pei ona molimauina pea i Amerika.
.................................................................................
