Na saunoa Daniel Andrews, ua ia lagona o le taimi talafeagai lenei e pasi ai le fu'a o le ta'ita'iga o le Labor ma le faigamalo i seisi tagata.
"At the moment you're not comfortable with that choice, doing this job as a as a defining feature, your entire life pretty much. The moment you're not comfortable with that decision for you and the people that you love, then you have to step away. Because you never want to get to a place where you resent this job, this amazing privilege and important opportunity. That would not be right and I simply won't allow that to happen."
I le iva tausaga o tau'aveina e Daniel Andrews le tofi palemia setete o Vitoria, na feagai ai lana faigamalo ma le tele o lu'itau i faalavelave faanatura; i mu tetele, i lologa, ma le faama'itele KOVITI19.
Na faaalia e Daniel Andrews, o se galuega e tatau ona tu'u atoa iai le malosi ma le mafaufau ma le agaga o se tagata.
Ua ia lagona, ua le toe mafaia ona ia tuuina iai le malosi e tatau mo le ta'ita'iga o Vitoria.
"Every waking moment is about the work - and there is only so long you can do that for. So I'm looking forward to a very different place and doing different different things. And part of this is I don't know what I'll finish up doing. But I think at least a good part of it will be about trying to support Victoria to be strong and to be leading our nation."
O le taimi muamua na tula'i mai ai Daniel Andrews i le tofi palemia setete o Vitoria, o le taimi na malo ai le Labor i palota o le 2014.
E faamavae nei o ia e le'i faia'ina i se palota; o le palota mulimuli nei, o Novema o le tausaga na te'a nei, lea na toe filifilia ai e Vitoria le Labor ma Daniel Andrews e toe avea ma ona palemia setete.
E manatuaina Andrews i lona tulaga ma faai'uga na ia faia ina ua pepesi le faama'i KOVITI19 lea faia ai nisi o Sa ma Vavao aupito faamalosia i le atunu'u - 262 aso pe faitau masina na faia ai.
O ni faai'uga na malosi iai faitioga a nisi.
Na viia e le palemia Anthony Albanese le sao o Daniel Andrews i 'upufai o le setete o Vitoria.
"Daniel Andrews is a man of great conviction, enormous compassion and a fierce determination to make a difference and he has made such a positive difference to the lives of Victorians."
I lalo o le ta'ita'iga a Daniel Andrews, na pasia ai tulafono i Vitoria e mafai ai ona faamuta le ola o se tagata ua ui sona gasegase ma ua tigaina - le voluntary assisted dying laws.
Ua molimauina le tele o auala ma isi galuega na faia i le iva tausaga o le faigamalo a Daniel Andrews.
O lana fuafuaga mulimuli nei ae le'i tuua le ofisa o le palemia setete, o le faitau selau miliona tala i le fausia o fale fou i le setete.
O se tasi na avea ma palemia setete o Vitoria i tausaga ua mavae, o Steve Bracks.
"All the major calls he has done well, he has led a very good and effective intelligent government, he has developed Victoria for the future and I think he can he can go out now knowing he has done the best job possible."
O se tasi o faitioga na faasino ia Daniel Andrews ma lana faigamalo, o le toe suia o le faai'uga e talimalo ai le setete i taaloga a le taupulega, le Commonwealth Games o le 2026.
E pei ona logoina atu ia tatou talafou, ua tofia ma avea nei Jacinta Allen ma palemia setete o Vitoria.
(Ripoti na faamaopoopoina e Tom Stayner ma Adrianna Wainstok o le SBS News).
