Muamua atu....
Ua lipotia mai le tetele o le osofa'iga a Rusia o le taulaga Lviv i Ukraine. O se osofa'iga o loo faia i le tua'oi ma Polani lea o loo aga'i iai le toatele o tagata sulufa'i mai Ukraine e sa'ili lafitaga.
E faia fo'i le osofa'iga o Lviv ae o loo i Polani le peresitene o Amerika, Joe Biden, i se fonotaga ma ta'ita'i o malo Europa i le fesoasoani mo Ukraine ma le osofa'iga.
********
Ua faamaonia mai e le faigamalo i Saina le maliliu uma o le pasese ma le 'auva'a a le va'alele a le Kamupani a China Eastern lea na pa'u ae o faaifo i le malae vaalele i Guangzhou.
O loo faaauau pea suesuega i le mafuaaga o le faalavelave.
********
O loo malosi faitioga o le faalapotopotoga le Taliban, lea ua toe pulea le atunuu o Afghanistan, i lana faai'uga e faasaina teine i luga atu o le Vasega 6 ona a'o'oga.
O lenei faai'uga e foliga mai o loo faia e faamalieina ai vaega o loo mulimulita'i i talitonuga Isalama ma le tulaga o teine i le atunu'u.
O se faai'uga fo'i e mautinoa le a'afia ai o Afghanistan i le taofia o fesoasoani mai atunuu i fafo mo lona atina'e.
*********
