O le pomu na pa i le falema'i le al-Ahli Arab Hospital i le Gaza City, ma o loo ta'ua e Palesitina o se pomu mai osofa'iga a Isara'elu i le 'ea, ae o loo finau Isara'elu o se pomu na sese ona faatonutonu e le vaega le Islamic-Jihad.
Na saunoa le so'o'upu o le militari a Isara'elu, Daniel Hagari, e manino le itu na fanaina le pomu i se taimi i le lumana'i.
"Because there are lots of air strikes and there are also a lot of misfires (of rockets being launched by Hamas) and there is also a lot of false reports by Hamas, we will learn the details and will tell the truth to the public."
Ae na saunoa le sui o Palesitina i malo 'aufaatasi, Riyad Mansour, o le pomu na fanaina e Isara'elu ma ua tatau ona taofia nei osofa'iga ona o le to'atele o tagata Palesitina e fa'aauau ona maliliu ai.
"Those responsible for this crime should face justice, and should face accountability. We as an Arab group demand immediately a ceasefire, because the continuation of the war, it means the killing of more Palestinians every moment."
O se faamatalaga mai le pulega i le Gaza, o loo ta'ua ai le 'ova atu i le 3,000 tagata ua maliliu mai osofa'iga a Isara'elu, ae i le itu a Isara'elu e to'a 1,400 ma ona tupu ua maliliu.
I Ausetalia nei, na saunoa le palemia, Anthony Albanese, o se tulaga e faanoanoa ai ona e tatau ona faamuamua le puipuiga o ola o tagata sivili. Na ia ta'ua e tutusa le taua o ola o tagata Iutaia ma tagata Palesitina.
"Our thoughts are with those killed, those injured, and their loved ones. The protection of civilian lives must come first, as the parliament said in its resolution that we carried on Monday. And respect for international human law is paramount. We condemn any indiscriminate attacks and targeting of civilian infrastructure including hospitals. And Australia joins with others in calling for international law to always be upheld."
Ua matua faitioina malosi e atunu'u Arapi e aofia ai Iran ma Turkiye le osofa'iga o le falema'i.
Na faaalia e le peresitene o Amerika, Joe Biden, ae o sauni mo sana asiasiga i Isara'elu lona faitioina malosi o le osofa'iga, ma ia ta'ua o le a faia iai se su'esu'ega faapitoa a Amerika.
Na faapena fo'i ona faitioina malosi e le pulega o Palesitina ma lona peresitene, Mahmoud Abbas.
Ua le taunu'u ai ma le fonotaga na fuafuaina i le va o Joe Biden ma ta'ita'i o Ioritana, Aikupito ma Palesitina i le soalaupuleina o se alafua mo se filemu i le Gaza.
Ripoti a Hannah Kwon mo le SBS News.
