Ua auina atu e le NATO se vaega'au e aofia ai va'atau ma va'aleletau i Europa i Sasa'e ae o folifoli mai se osofa'iga o le atunu'u o Ukraine e le vaega'au a Rusia.
O loo faitioina malosi e Rusia lenei faai'uga ma ua ta'ua e le faigamalo i Moscow o se lu'itau e atili vevesi ai le mataupu i le va ma Ukraine.
Na faaalia e le failautusi aoao o le NATO, Secretary-General Jens Stoltenberg o le a faia gaioiga uma e talafeagai ai mo le puipuiga o le filemu.
O loo malosi le talitonuga i le faatinoina e Rusia o se osofa'iga o Ukraine lea la te tua'oi ina ua maolimauina le 'ova i le 100,000 fitafita o le vaega'au a Rusia ua toalauapi i le tua'oi ma Ukraine.
"We will always respond to any deterioration of our security environment, including through strengthening our collective defence," na saunoa ai Jens Stoltenberg.
Na saunoa foi Stoltenberg e ono faaopoopo se vaega'au a le NATO mai le 4,000 lea o loo galulue nei i atunu'u o Europa i Sasa'e, e aofia ai Estonia, Lithuania, Latvia ma Poland.
NATO Secretary General Jens Stoltenberg during a joint press conference. Source: EPA
O loo teena e Rusia le taupuleina o se osofa'iga o Ukraine, e ui e le'i auamaia se faamatalaga i le mafua'aga o le potopoto o ana vaega'au i le tua'oi ma Ukraine.
O loo sauni le peresitene o Amerika, Joe Biden mo se fonotaga ma ta'ita'i o malo Europa mo le talanoaina o se tali a malo o le lalolagi i le faafitauli e tula'i mai pe a taunu'u ona osofa'ia e Rusia le atunu'u o Ukraine.
Ua to'esea mai tagata faigaluega a ofisa embassies a Ausetalia, Amerika ma Peretania mai Ukraine.
Na saunoa le peresitene o Ukraine President Volodymyr Zelenskiy e taua tele le va'ai mai o Rusia o loo tutu faatasi atunuu o le Iuni o malo Europa.
"Ukraine will not fall for provocations, and together with its partners, will remain calm and restrained," his office said.
