Key Points
- I NSW, e tatau ona tuuina i le lola palota suafa o tagata uma e agava'a ona lafo palota mo sui o le palemene setete.
- E le gata i le Igilisi, ua faatulagaina e le Komisi o Faigapalota, le NSW Electoral Commission pepa palota i isi gagana. ore than 20 languages.
- O le a le fa'aaogaina i faigapalota nei le iVote i luga o le 'upega tafa'ilagi.
O loo taumafai le ta'ita'i o le Liberal Party Dominic Perrottet e toe faafo'isia mai le Soofaatasiga (Liberals ma le Nationals) mo se paea'iga lona 4 i le faigamalo i NSW.
Ae mo le itu-agai, le vaega 'upu fai a le Labor o loo ta'ita'ia e Chris Minns talu mai Iuni o le 2021, o loo taumafai e toe malo ina ua mavae paea'iga e 3 i le itu-agai.
O le palemene o NSW e 2 ona maota poo se ‘bicameral’ system, o le maota i lalo Legislative Assembly (lower house) ma le maota i luga Legislative Council (upper house).
I le faigapalota, o le a filifili ai i le palota sui faipule e to'a 93 mau itumalo palota mo le maota faitulafono i lalo le Legislative Assembly.
O le maota faitulafono i luga, le The Legislative Council e to'a 42 ona sui - e to'a 21 sui e palotaina i faigapalota ta'itasi, o isi e ta'i 2 paea'iga.
A faapea e iai ni mafua'afa tatau e le mafai ai e se tagata ona lafo lana palota i le aso o faigapalota, e mafai ona talosaga e lafo sana palota i le meli, se postal vote.
E tatau ona taunuu talosaga mo palota lafo i le NSW Electoral Commission e le'i taina le 5 i le afiafi o le Aso 20 o Mati.
O palota lafo uma e tatau ona tuuina i le NSW Electoral Commission ia le it ua mai o le 6pm Aso 6 o Aperila.
Chris Minns took on the NSW Labor leadership in June 2021. Source: AAP / BIANCA DE MARCHI/AAPIMAGE
Palota i le aso o faigapalota – Aso 25 o Mati
E 'ova i le 2450 nofoaga ma fale palota o le a faatulagaina i falesa, halls a Ekalesia ma a'oga, community centres, ma le tele o isi nofoaga i NSW.
I le aso o faigapalota, o le a tatala mai le 8am i le 6pm.
I le taimi e te ulufale ai i le nofoaga fai palota, o le a fesili atu le tagata faigaluega ofisa palota mo lou suafa, tuatusi, itumalo palota, ma pe ua uma ona palota i seisi nofoaga.
A faamaonia uma ua sa'o faamatalaga, ona tuuina atu lea o pepa palota.
NSW Premier Dominic Perrottet. Source: AAP / Bianca De Marchi
E faamalosia i le tulafono le lafo o palota
I NSW, e faamalosia i lalo o le tulafono ona lafo palota a tagata e agava'a i faigapalota mo le palemene tele, setete ma pulega faaitumalo.
E ono faasalaina i latou e le auai i faigapalota.
Palota mo tagata e leai ni nofoaga mautu, iai mana'oga tumau, poo i seisi setete poo se atunu'u i fafo
E mafai lava e tagatanu'u NSW e le o iai ni nofoaga mautu, poo nonofo i nofoaga le tumau ona talosaga e tu'u o latou suafa i le lola palota.
O tagata i le vaega lenei e le lafoina ni palota, e le tuuina mai iai se faasalaga.
Mo tagata e iai mana'oga tumau e mana'omia se fesoasoani, e mafai ona auai faatasi ma seisi o lona aiga pe fesili i se tagata faigaluega fai palota mo se fesoasoani.
E mafai fo'i ona latou talosaga e palota vave, palota lafo, postal voting, pe palota i luga o le telefoni, telephone voting.
Mo tagata e faamoemoe e malaga i seisi setete i le aso o faigapalota, e mafai ona vave lafo sana palota pe lafo i le meli, se postal vote.
O tagata e malaga i fafo, e tatau ona palota i le meli pe o se postal vote.
Faamatalaga i isi gagana
Ua faaliliuina e le NSW Electoral Commission faamatalaga i auala e lafo ai palota i gagana e 25 e aofia ai le Igilisi. pr
Ua faatulagaina fo'i auaunaga faamatala'upu i luga o le telefoni.
E mafai ona faafeso'ota'i e le ofisa fai palota le Translating and Interpreting Service (TIS National) mo se fesoasoani i le gagana.
