Na maliu i le faai'uga o le vaiaso talu ai se tasi na avea ma ta'ita'i o le vaega 'upufai a le Labor i Ausetalia nei, le Sususga a Simon Crean.Na maliu o ia ae o i sana faigamalaga i le taulaga o Berlin i Siamani.
E maliu nei Simon Crean ua 74 tausaga lona soifua.
Na avea Simon Crean ma peresitene o le faamalu o iuni a tagata faigaluega le Australian Council of Trade Unions (ACTU) i le 1985, ae o le 1990 na tauva ai mo le nofoa o Hotham i Melbourne ma ulufale ai i le palemene tele, ma e 23 tausaga na avea ai o ia ma sui o Hotham ma tautua i lalo o palemia e to'a 4 i faigamalo a le Labor ( Hawke, Keating, Rudd ma Gillard).
Na fanau Simon Crean i Melbourne i le 1949, o lona tama Frank Crean, na avea fo'i ma sui faipule o le palemene tele, na avea ma sui palemia i lalo o le faigamalo a le Labor i le ta'ita'iga a Gough Whitlam.
O ona faailoga tikeri na maua i le tulafono le Law ma le Economics, ma na tofia e Bob Hawke e avea ma minisita o le Kapeneta i lona faato'a ulufale i le palemene tele i le 1990.
I Kapeneta na tautua ai Simon Crean, na ia umia tofi minisita o le matagaluega o le Science and Technology, Galuega ma A'oga, atina'e o nu'u ma alaalafaga i tua ma pulega faaitumalo.
Na avea Simon Crean ma sui taitai o le Labor ae o i le itu-agai i le 1998 i lalo o le taitaiga a Kim Beazley, ae o le 2001 na tofia ai e avea ma taitai o le Labor.
O se tasi o ana finauga na tu malosi ai o le taua i Iraq, lea na malosi ai lona tete'e i le faai'uga a John Howard e auai le militari a Ausetalia i le osofa'iga.
"I don't want to mince my words, because I don't believe that you should be going. I don't think that there should be a deployment of troops to Iraq ahead of the United Nations determining it. But that's a political decision. That's an argument that the Prime Minister and I will have no doubt over coming weeks and months."
E na o le 2 tausaga na umia ai e Simon Crean le tofi taitai o le Labor ae sui tulaga iai Mark Latham i le 2003 ona o le maualalo o le tulaga o le Labor i polls.
I lalo o le faigamalo ina ua manumalo le Labor i palota ma tula'i mai ai Kevin Rudd i le tofi palemia i le 2007, na tofia ai Simon Crean i le minisita o fefaataua'iga.
Ina ua 'eu 'ese e le faafaletui Rudd mai le tofi i le 2010 ae tofia iai Julia Gillard, na tofia ai Crean e avea ma minisita o galuega, a'oga ma fale faigaluega, sosoo ai ma matagaluega o le atina'e o nuu i tua ma pulega faaitumalo.
Na saunoa le palemia Anthony Albanese, o Simon Crean o se 'au'auna faamaoni mo le vaega 'upufai a le Labor i Ausetalia.
"In his parliamentary career, he served as a cabinet minister under the Hawke, Keating, Rudd and Gillard governments. (It's) an extraordinary career of achievement where he made a difference in every one of these portfolios, whether it was improving trade deals for Australia, promoting jobs through his employment portfolio, regional economic development, revitalising the arts. Simon Crean is someone who made a difference each and every day."
Na saunoa fo'i le peresitene o le ACTU, le Australian Council of Trade Unions, Michele O'Neil, o se tasi o sao o Simon Crean o le finauga mo faaputuga tupe o supa a tagata faigaluega i Ausetalia.
"Today is a really sad and tragic day for the union movement and the whole of the Labor movement with the passing of Simon Crean. Simon was a much loved and respected leader at the Australian Trade Union movement, and of course went on to lead the Australian Labor Party. Before his time at the ACTU, Simon was the leader of the then Storeman and Packers' Union, a union that led the way in terms of fighting for superannuation for workers in Australia."
(Ripoti na faamaopoopoina e Soofia Tariq mo le SBS News, tapenaina e Ioane Tiperio Lafoa'i mo le SBS Samoan)
