I le faaauauina ole campaign mo palota o le palemene tele o Ausetalia, ua folafola e le palemia Scott Morrison le faavaeina o galuega e 1.3 miliona e le'i o'o i le 2027.
Na ia faaalia o le tele o nei galuega o le maua i fuafuaga a sana faigamalo mo le atina'e i auala, 'oloa gaosi ma tekonolosi faaonapo nei.
Ae na faaalia e le ta'ita'i o le Labor, Anthony Albanese, se fesoasoani e $31 miliona mo 'au'aunaga soifua maloloina i lalo o le Medicare mo nu'u maotua i Ausetalia.
Na faato'ese le ta'ita'i o le Labor i le atunu'u i le sasi i ana tapenaga, na le mafai ai ona ia talia fesili i le cash rate a le Reserve Bank ma le unemployment rate i le atunu'u.
+++++++++++++++++++++++++++++++
O loo su'esu'eina e leoleo i Sini le mafua'aga o le maliu o se tama talavou i le Royal Easter Show i le po anapo.
E faapea se ripoti, na vala'au nisi mo se fesoasoani ina ua tupu se misa i se tasi o nofoaga i le malae i le ta o le 8, ma na maua ai ni taulele'a se to'a lua ua a'afia i ni manu'aga matuia ma se aga'ese.
O se tasi o i la'ua na maliu e le'i taunu'u i le falema'i i Westmead, o le isi o loo i se tulaga tigaina i le falema'i.
+++++++++++++++++++++++++++++++
I taaloga....
E 3 masina i le fale puipui le faasalaga ua auina mai e le faamasinoga i Sini i le taule'ale'a lea na tamo'e ma se sulu afi mumu i totonu o le malae i Cronulla ae o faia le taaloga i le va o le Sharks ma West Tigers i le Aso Toona'i na te'a nei.
O se vaiaso uiga 'ese lenei i taaloga o le NRL i le aofa'i o tagata e osofa'ia malae ta'alo ae o faia taaloga o le NRL.
END++++++++++++++
