Malosi le tete'e ina ua maliu George Floyd, o se tama uli, ae o saisaia e leoleo papalagi i Minneapolis, Amerika.

Ua toe tupu fo'i i Amerika se faalavelave ua maliu ai se tagata uli ae o saisaia e leoleo papalagi, ma ua molimauina ai le tetele o tete'e ua faaleagaina ai meatotino ma maliu ai seisi tagata ina ua fanaina.

A supporter holds a photo of George Floyd on the site where the 46-year-old died in police custody. Source: Star Tribune

Na amata ina ua faaalia se ata video o loo pu'e ai le taimi na maliu ai George Floyd, o se tama uli e faigaluega i se fale'aiga i Minneapolis.

I lenei ata o loo manino ai le sauaina e leoleo o George Floyd ae o saisaia, ma e o'o i le peresitene o Amerika, Donald Trump, ua faailoa lona le fiafia i mea na ia va'aia i le ata.

O le ata na pu'eina e se tagata na molimauina le tu o le tulivae o se tsi o leoleo i le ua o George Floyd, ae o 'ai'oi mai i le fia ola ma ua le mafai ona manava.

A fire burns at an AutoZone store in Minneapolis as people riot over the death of George Floyd. Source: ABACA

Ua faaalia e le FBI ua latou su'esu'eina le faalavelave, ae ua faailoa e le faigamalo i le taulaga o Minneapolis le vala'au i le militari mo se fesoasoani ae o sauni atu mo nisi tete'e o loo faamaaopoopoina. 

George Floyd. Source: Twitter 'AttorneyCrump'

Ua faitioina malosi e malo 'aufaatasi le tulaga na maliu ai George Floyd, ma ua vala'auina le faigamalo i Amerika ina ia tuleia ni polokalame e taofia ai le maliliu o tagata uli i tulaga e le o lamatia ai le ola o leoleo - e le'i umia e Floyd se fana poo seisi 'a'upega i le taimi na saisaia ai e leoleo ma maliu ai.

"E le o le taimi muamua lenei ua maliu ai tagata uli i lima o leoleo i Amerika, o se mea ua tupu so'o," na saunoa ai Michelle Bachelet o malo 'aufaatasi.

"Ua faaopoopo ai le igoa o George Floyd ia Breonna Taylor, Eric Garner, Michael Brown ma le to'atele o isi tama uli ua maliliu i lima o leoleo i Amerika," na ia saunoa.

Pedestrians walk past destroyed buildings following riots over the death of George Floyd in the US. Source: EPA

E pei ona molimauina i ata nei le liu efuefu o fale'oloa ma isi meatotino ina ua susunuina e le 'au tete'e.

E to'atasi se tagata ua maliu ina ua fanaina, ma e le o mailoa poo se leoleo na fanaina pe o se tasi o tagata e ona se fale'oloa na faatama'ia e le afi mai le au tete'e.  

"Ou te iloa o loo toatele o loo lagonaina le ita ma le tiga ona o le maliu o George Floyd, ae le avea lea ma mafua'aga tatau o faaogaina e nisi o le maliu o Floyd, e avea ma avanoa e faia ai solitulafono e pei o le susunuina o fale'oloa ma le gaoia o 'oloa ma meatotino a isi tagata," na saunoa ai le Faatonu o le matagaluega o leoleo,Todd Axtel.

People hold up their fists after protesting near the spot where George Floyd died while in custody. Source: AFP

Ua faato'ese fo'i le ta'ita'i o le maagaluega o leoleo i Minneapolis i le aiga o George Floyd, ma faaalia o le a matua su'esu'eina le mafua'aga o le maliu o Floyd ma molia ni leoleo e faamaonia lo latou solia o le tulafono i le taimi na faatino ai o latou tiute.