Ua iloa i se su'esu'ega a le Iunivesite o Monash University, le matagaluega o le soifua maloloina i Vitoria, le Victoria Health ma le Turning Point, le iai o so'otaga i le inu 'ava malosi ma le kanesa o le susu i le itupa o tina ma tama'ita'i.
O le tama'ita'i o Kathryn Elliott e 46 tausaga lona matua i le taimi na manatu ai e tu'u lana inu 'ava malosi.
E ono vaiaso na soso'o ai ae logoina o ia ina ua mae'a se su'esu'ega i lona a'afia i le kanesa o le susu.
"Well, I actually quit drinking before I was diagnosed with breast cancer in 2019. In fact, it was six weeks before I was diagnosed with breast cancer."
Na faaalia e Kathryn e iai taimi na matua tele ai lana inu 'ava malosi, ae ina ua faia sana su'esu'ega, na maofa ai i le so'otaga i le 'ava malosi ma le kanesa o le susu.
"And the surprising thing was that it wasn't heavy or excessive drinking. It was even light drinking that was connected with increased breast cancer risk."
Na faaalia e le Breast Cancer Network Australia, o le inu 'ava faifaipea, e si'itia ai le avanoa o le maua o se tina i le kanesa o le susu - o le tele o le 'ava malosi e inuina, o le tele fo'i lea o le avanoa o le a'afia o se tagata i le kanesa o le susu.
Ua iloa i le su'esu'ega lenei, e le o lava le silafia o le itupa o tama'ita'i i le atunu'u i le tulaga lamatia mai le kanesa o le susu ona o le inu 'ava malosi.
O le su'esu'ega na ta'ita'ia e Dr Jasmin Grigg o le Iunivesite o Monash, ma latou faavaeina ai ma le Victoria Health ma le Turning Point se auala e fesoasoani ai i tina ma tama'ita'i e malamalama ma silafia le so'otaga o le 'ava malosi ma le kanesa o le susu.
E faaigoaina o le Health4Her.
"Women who participated in the Health4Her brief alcohol intervention, we found a significantly greater proportion became aware of the alcohol breast cancer link. So that increased from 20 per cent of women being aware of the risk to 65 per cent of women being aware of the risk, which was a big change."
E to'a 557 tina ma tama'ita'i na faia ai le su'esu'ega i le Maroondah BreastScreen i Melbourne.
Na saunoa Dr Jasmin Grigg o le to'atele o tina ma tama'ita'i na auai, na si'itia lo latou malamalama ma le silafia i le so'otaga o le 'ava malosi ma le kanesa o le susu, ae na si'itia ai fo'i lo latou malamalama i le tele o a'afiaga mai le 'ava malosi.
"So there was a doubling in the proportion of women able to identify the amount of alcohol in a standard drink. There was a tripling in the proportion of women knowing how many standard drinks are in a serve of wine. And there was a quadrupling in the proportion of women knowing the maximum Australian weekly guideline for alcohol consumption, which is drinking no more than 10 standard drinks per week."
Na faaalia e Dr Grigg o le galuega faato'a tau amata, ae o loo iai le faamoemoe e faalautele atu ma o'o ai le fea'u i tina ma tama'ita'i e le o le gagana muamua le Igilisi, ae maise i tina ma tama'ita'i muamua, Aboriginal ma Torres Straits.
"One of the next phases of research is absolutely to apply it, to collaboratively design the intervention with women from CALD (Culturally and Linguistically Diverse) and Aboriginal and Torres Strait Islander groups, and then to have it available in different languages and have it appropriate for women in these groups, absolutely."
Mo Kathryn, ua 4 nei tausaga e le o toe inu 'ava malosi, ma ua 3 tausaga o soifua manuia mai ona togafitiga o le kanesa o le susu.
"I think it's very important to raise awareness around this issue so that women can make educated decisions around their use of alcohol, particularly as breast cancer is the most prevalent cancer in Australia and globally for women. Over 20,000 women are diagnosed with breast cancer in Australia each year."
(O le ripoti na faamaopoopoina e Hannah Kwon mo le SBS News, tapenaina mo le faasalalauina e Ioane Lafa'o o le SBS Samoan).
