O loo talia le faai'uga a le faamasinoga i Indonesia i moliaga o ni ali'i se to'a 7 mai West Papua i le solitulafono o le faataute'e i le malo.
O moliaga na afua mai i se tete'e na faamaopoopoina e nei ali'i i Indonesia i le tausaga na te'a nei.
O loo finau le itu a leoleo i Indonesia ina ia aumaia e le faamasinoga se faasalaga e i le va o le 5 ma le 17 tausaga i le fale puipui.
Na saunoa Andreas Harsano o le Human Rights Watch Indonesia, a aumaia se faai'uga e 17 tausaga i le fale puipui, o le faasalaga aupito mamafa lea mo ituaiga solitulafono faapenei ma e faatusaina i le vaitaimi o faigamalo saua a General Suharto i Indonesia i tausaga ua mavae.
"It is a travesty of justice. It is simply wrong. It is going to be historically proven that Indonesia is on the wrong side of history,” Mr Harsano told SBS News.
Na molimauina le tete'e i Indonesia i le vaiaso na te'a nei na tutu faatasi ai tagata Melanisia mai West Papua ma tagata Indonesia e tulei le mau ina ia tatala i latou nei ma soloia o latou moliaga.
E le gata i lea ua fanau mai ai le mau hashtag #PapuanLivesMatter e faatusa i le tete'e Black Lives Matter lea na molimauina i le lalolagio atoa talu ona maliu se tagata uli e suafa ia George Floyd i le taimi na saisaia ai e leoleo i Minneapolis i Amerika.
I masina o Aukuso ma Setema i le tausaga na te'a nei, e faitau afe tagata Papua na faia tete'e e faasaga i le pule a le malo Indonesia i Papua, atoa ai ni 'upu faifai na faia e nisi i le malo aga'i i tamaioti a'oga mai Papua i Surabaya, East Java.
Na faasolo ina iai ma le mau na vala'au ai mo se malo tuto'atasi o Papua i le taimi le tete'e.
Ua vala'au le Human Rights Watch i le faigamalo i Jakarta ina ia soloia uma moliaga ma toe faasa'oloto le to'a 7 o loo molia.
"They did nothing wrong. What they did was a justified, a freedom of expression, raising their concern against racism in Indonesia. They were not involved in violence. They did not instigate violence. One of them even denounced the protests," Mr Harsano said.
Na saunoa le tamaita'i loia Veronica Koman, sa galue i Indonesia ae ua sa'ili lafitaga nei i Ausetalia, o le to'a 7 lenei ua faaaoga e fai ma faata'ita'iga i le malosi o le pule a Indonesia e faato'ilalo ai se mau tete'e. Na ia ta'ua o le mau o loo tete'e i faiga faailoga lanu a le malo Indonesia i tagata Papua.
“They are being scapegoated over this uprising. West Papuans have been saying that Indonesian law is racist towards West Papuan people and I truly agree to that notion,” Ms Koman said.
E aofia ia i latou o loo molia, le alii o Buchtar Tabuni, le ta'ita'i o le mau mo se malo tuto'atasi o Papua, le United Liberation Movement for West Papua.
Activists staging a protest supporting West Papua's call for independence from Indonesia in Jakarta. Source: EPA
