Ua faaalia e le malo tele se fuafuaga e faasaina ai ona toe faatauina mai i-sikalei (vapes) mai atunuu i fafo e le aofia i lalo o le lisi faatagaina e foma'i.
O le Sa e aofia ai i-sikaleti e le o iai le kemikale le nicotine.
I se faaaliga a le minisita o le soifua maloloina Mark Butler i le polokalame, le Q&A a le ABC, na ia saunoa ai ua gaosi e Kamupani sikaleti se 'oloa e mailei ai tupulaga talavou ma afaina ai le soifua maloloina o tagata i le atunu'u.
Na ia faaalia fo'i o le a le toe faigofie ona maua e tupulaga i-sikaleti ona o le a na o tagata matutua e mafai ona mauaina ae mana'omia se pepa mai le foma'i.
[["This idea that they can be readily accessed by young people in convenience stores and many other places besides, deliberately them. They have pink unicorns on them. they are bubblegum flavoured. These are not therapeutic products marketed at adults. they are deliberately designed to be attractive to kids and I am determined to stop it."]]
Ua talisapaia e le asosia foma'i i Ausetalia le faaaliga, ma ta'ua i se pepa o faamatalaga, o le pepa foma'i e mafai ai ona tala i-sikaleti, o se faiga e fesoasoani ai i tagata o loo faigata ona tu'u le masani o le ulaula tapa'a, ma o se taumafaiga le tumau ae o lagolagoina lea tagata e tu'u motu le ulaula tapa'a.
