Na faaalia i lana faamavaega i le vaiaso na te'a nei o le a faamavae mai le vaega 'upufai a le LNP ma le tauva i palota i le masina fou ona o le 'ese'ese o ona talitonuga i mataupu e pei o vaila'au puipui mo le KOVITI-19 ma suiga i le tau ma le tulaga o le vaega 'upufai ma le malo.
Peita'i ua faailoa mai e le vaega 'upufai a le One Nation le ulufale atu o Christensen i lana faafaletui ma o loo faamoemoe e faailoa aloa'ia mai i se taimi o le aso mai Brisbane se nofoa e tauva ai.
E ono suia fo'i mai le maota o sui ae tauva mo se nofoa i le Senate mo le One Nation i lona itumalo palota o Dawson lea o loo umia e le Liberals.
++++++++++++++++++++++++++++++++++++++
O loo faagasolo pea le campaign a ta'ita'i o vaega 'upufai mo le palota i le masina fou.
I Sisifo o Sini, na faaalia ai e le palemia Scott Morrison se fuafuaga a lana vaega 'upufai pe a manumalo i fale faamama suau'u i NSW, Queensland ma Vitoria i se tau e $250 miliona.
O le a fesoasoani i le faamamaina o le penisini i totonu lava o Ausetalia nei.
O loo i Melbourne le ta'ita'i o le Labor, Anthony Albanese, ma o le mataupu o loo tuleia e le Labor o fesoasoani faaopoopo i 'au'aunaga soifua maloloina.
Ma ua poloa'ina e le Greens se si'itaga i fesoasoani mo togafitiga o nifo (dental care) pe latou 'ausia le paleni o nofoa i le Senate.
+++++++++++++++++++++++++++++++++++++++
Ma ua toe amata i le aso (13 Aperila 2022) faigamalaga sa'oloto i le va o NIu Sila ma Ausetalia mo tagata ua mae'a uma ona faia tui puipui o le KOVITI-19.
E tatau i tagatanu'u Ausetalia e taunu'u i laufanua o Aotearoa ona faaali i le 'aufaigaluega i le malae vaalele molimau o se su'ega e negative ae le'i malaga.
++++++++++++++++++++++++++++++++++++++++
I le taua i Ukraine.....
E le o iai ni molimau manino e lagolagoina nisi o ripoti e faapea ua faaaoga e Rusia 'a'upega kemikale (chemical weapons) i le osofa'iga o le taulaga o Mariupol i Ukraine.
O loo malose le osofa'iga a vaega'au a Rusia o le taulaga, ma o loo iai popolega a faoa e Rusia Mariupol, ua faasolo atu ai i le laumua o Ukraine i Kiev.
+++++++++++++++++++++++++++++++++++++++++
Ua toe tupu mai fo'i se faalavelave i Amerika ua maliliu ai ni tagata ina ua tafanaina e seisi tagata i se nofoaga faitele.
E to'a 10 ma ona tupu tagata na manunu'a ina ua tafanaina e se tagata i totonu o se train i New York.
Ua saisaia e leoleo se tagata ma su'esu'eina i lenei faalavelave, ma e le o faaigoaina i le taimi nei o se osofa'iga terorisi.
END++++++++++++++++++++
