O le faasalaga na faatinoina i le itumalo o Aceh i le Aso Tofi o le vaiaso nei ae o maimoaina e nisi i se nofoaga faitele ma na faitioina malosi e faalapotopotoga o loo finau mo aia tatau ma sa'olotoga o itupa tutusa.
E ta'i 80 ta i tino o i la'ua i se la'au la lala o le rattan i se faasalaga i lalo o tulafono Isalama (Islamic law), ma na lipotia le 'ai'oi o i la'ua e faamuta le faasalaga ona ua tigaina.
O ali'i na faasalaina e i le va o le 20 ma le 30 tausaga le matutua, ma e le'i faailoa maia o la suafa. Na lipotia le matapogia o le tina o se tasi o i la'ua ae o sasaina lana tama.
"Islamic sharia enforcement is final, no matter who it is, and even visitors must respect local norms," public order official Heru Triwijanarko told AFP. ("O tulafono sharia a le talitonuga Isalama e faamalosia i soo se tagata na te solia, e aofia ai tagata asiasi mai," Heru Triwijarnako i le AFP).
O i la'ua na saisaia ma molia i le masina o Novema ina ua molimauina e se tagata e ona le fale na mau totogi ai le samasamanoa o la'ei i o la tino.
E le o se solitulafono le faia o feusua'iga i le va o tane i isi vaega o Indonesia, ae na o le itumalo o Aceh lea o loo faamalosia ai le Sharia law.
I Aceh, i le motu tele o Sumatra, o se va'aiga masani le faasalaina o tagata e auala i le ta i le tua mo slitulafono e pei o le pele tupe, inu 'ava malosi, ma le mulilua.
Ua vala'au faalapotopotoga o loo finau mo aia tatau a tagata ma sa'olotoga ina ia taofia le sasaina o tagata i nofoaga faitele i faasalaga, ma ua auai iai ma le peresitene o Indonesia, Joko Widodo.
An Aceh prosecutor displays the rattan rods uses to punish sharia violators, in Banda Aceh, Aceh, Indonesia, on 28 January. Source: AAP
