Ua faaalia e malo aufaatasi a'afiaga o le lalolagi i le itu i taumafa ona o le osofa'iga a Rusia o le atunuu o Ukraine.
O le tapunia o uafi i le Sami Uliuli, le Black Sea i Ukraine ua le mafai ai e va'a la'u'oloa ona la'u uta o mea'ai e pei o le saito mai Ukraine i isi atunuu i le lalolagi.
Faaalia e David Beasley, le faatonu o le polokalame o taumafa i malo aufaatasi , le U.N. World Food Program, e lata i le 280 miliona tagata i le lalolagi o le a a'afia i le matelaina ma le le lava o taumafa mai le osofa'iga a Rusia.
Na ia ta'ua fo'i e faaopoopo atu lea i luga o le faaitiitia o mea'ai mai suiga i le tau ma puipuiga o le KOVITI-19.
[["We truly are in an unprecedented crisis. Food pricing is our number one problem right now as a result of all this perfect storm for 2022. But 2023, it very well will be a food availability problem. When a country like Ukraine that grows enough food for 400 million people is out of the market, it creates market volatility, which we are now seeing."]]
********************************************************
I se ripoti o faigapalota i Ausetalia nei i le aso a taeao....
Ua faaalia e le malo tele ua toe suia tulafono e pei ona faailoa mai muamua i le lafoina o palota a tagata e pesia i le KOVITI-19 lea na faatonuina e tatau ona lafo i luga o le telefoni.
I le suiga e pei ona faailoa mai i le taeao nei e le malo tele, o le a mafai ai e tagata ona lafo a latou palota e pei ona masani ai i fale palota.
**********************************************************
I le aso mulimuli o le campaign.....
Na molimauina le auai o le tama'ita'i o Julia Gillard, le sa avea ma palemia o Ausetalia i tausaga ua mavae, i le campaign a le Labor, lea na faatasi ai ma le ta'ita'i Anthony Albanese i le itumalo palota o Sturt i South Australia i le taeao analeila.
Na auai iai ma nisi o sui sinis o le Labor, Penny Wong, Amanda Rishworth ma Mark Butler.
Ae o le aso mulimuli o le campaign a le Liberal Party na molimauina ai le palemia Scott Morrison i Perth.
O loo iai le talitonuga o le palota i Western Australia e ono faalagolago iai le toe faafo'isia mai o le soofaatasiga poo le tuleia i le ituagai i le mae'a ai o palota a taeao.
***********************************************************
Na faaalia e le palemia setete o New South Wales, Dominic Perrottet, e ui i lona le lagolagoina o le tulafono e faamuta ai le ola o se tagata ua ui sona gasegase ma ua tigaina, na te le taliaina le auala o loo faaalia ai le tete'e a le ta'ita'i o le Ekalesia Katoliko Roma, Archbishop Anthony Fisher.
Na aumaia ananafi le manatu tusitusia o le Archbishop ina ua pasia i le maota i lalo o le palemene o New South Wales le tulafono.
Na faaalia e Domiic Perrotet, e ui i lona le lagolagoina o le tulafono, se o le pasia o le tulafono, o se faailoga lea o faiga ma tu faatemokarasi.
[["I can appreciate where the Archbishop is coming from in the sense that it's a very emotional debate. It was a debate that took some time in the NSW Parliament. But I've always - from the 11 years that I've been in the NSW Parliament, I've always found these debates, these conscience debates, bring out the best in our parliamentarians. They speak from the heart. They don't speak in - along party lines - and I think that's a wonderful and beautiful thing of the Parliament."]]
************************************************************
Na a'afia nisi o vaega o Niu Sila i se aosiosio i le taeao nei.
E matuia manu'aga o se fafine i le 'a'ai o Cambridge, i Sasa'e o Hamilton ina ua pa'u iai se la'au.
Na molimauina le faaaleagaina o faato'aga, fale ma laina o le malosi eletise.
Na molimauina fo'i le faaleagaina o vaega o le 'a'ai o Levin i Matu o Ueligitone.
********************************END************************
