1. Ua faamaonia mai e le faigamalo Setete i Queensland le pesia o se tagata i le Setete i le KOVITI-19.
Na faaalia e le palemia Setete, Annastacia Palaszczuk, o se ali'i e 26 tausaga le matua, ua faamaonia le pesia i le Koronavairusi i le pitonu'u o Stafford, ma ua atoa le vaiaso o fealua'i sa'oloto i le community.
Ua ia faatonuina se Sa i asiasiga i nofoaga e tausi ai tagata matutua, falema'i ma fale puipui i le Brisbane City Council ma Moreton e amata atu i le aoauli nei.
2. Ua faato'ese le palemia, Scott Morrison, i le palemene ma le atunu'u ona o uiga le taupulea a se atsi o sui o lana vaega 'upufai, MP Andrew Laming, na ia faia ai ni lafoga faifai ma faamata'u i ni tamaita'i i luga o le social media.
Na saunoa le palemia o ni amio le taupulea ma le tala feagai ua faia e le faipule mai Queensland i le malo tele.
3. Ua faailoa mai e le palemia Scott Morrison le faia o ni fesuia'iga, se reshuffle, i lana Kapeneta i se taimi lata mai. Ua ia faailoa ai fo'i le tumau ona iai Linda Reynolds ma Christian Porter i le Kapeneta, ae le'i ta'ua pe faa-auau ona la umia portfolios o le puipuiga ma le Loia Sili e pei ona iai i le taimi nei.
E le'i faaalia manino mai e le minisita o Home Affairs, Peter Dutton, pe moni ripoti sala tua o loo ta'ua ai le ono tofia o ia e suitulaga ia Linda Reynolds i le tofi minisita o le puipuiga.
