Ulutala:
Te'ena e le palemia Scott Morrison lafoga a Malcolm Turnbull i le tulaga lamatia o sui tauva o le Liberal Party mai sui tuto'atasi i palota.
O le aofa'i moni o tagata ua maliliu mai le faama'i Koronavairusi i le lalolagi e lata i le 15 miliona, pe faatoluina le aofa'i o loo famauina.
***********************************
O loo su'esu'eina e le Komisi o Faigapalota ma leoleo a le malo tele, le Australian Federal Police se sui tauva o le vaega upufai a le Liberal Party i le ono faia o se solitulafono tau faasese ae o alo atu le atunuu i ana faigapalota.
O le sui tauva mo le itumalo palota o Isaacs i Vitoria, o le alii o Robbie Beaton, ma o loo tuua'ia i le le sa'o o le faatumuina le pepa e avea ai o ia ma sui tauva.
I le vaega mo le tuatusi o le sui, na tali iai Robbie Beaton o lona tuatusi o le Bridge Hotel i Mordialloc, o se papu poo se meatotino na pulea e le aiga o lona to'alua.
O loo molimau le Labor o le sui tauva e nofo i Camberwell i fafo mai o le itumalo palota o Isaacs.
E le o se tulaga mana'omia i le tulafono o faigapalota le nofo o se sui tauva i totonu o le itumalo palota, peita'i e tatau ona faaailoa sa'o i le pepa lona tuatusi o loo nofo ai.
*****************************************
Ua faaalia e le palemia Scott Morrison na te le taliaina le moni o manatu o le sa avea palemia i tausaga ua mavae, Malcolm Turnbull, o loo ia faapea mai ai e iai nofoa o loo i le itu a le malo e ono mamulu i sui tuto'atasi i palota o loma nei.
I sana saunoaga i Washington, na faaalia e Malcolm Turnbull e iai tagata ua le o fiafia i le tulaga o le vaega upufai a le Liberal Party ma e ono suia a latou palota i sui tutoatasi i palota o le Aso 21 o Me.
Ae o faagasolo le campaign a le palemia i Western Australia, na saunoa Scott Morrison na te le taliaina manatu o Turnbull.
[["I don’t share his view. My view I just explained to you. That’s the chaos of a Parliament driven by the daily musings of independents, who haven’t had the experience to deal with the serious security and economic challenges our country faces, that is going to hurt people’s incomes. It’s going to hurt people’s jobs. It’s going to damage Australian security."]]
*****************************************
Ua faaalia e le faalapotopotoga mo le soifua maloloina i malo aufaatasi, le World Health Organisation, o le aofa'i moni o tagata ua maliliu mai le faama'i KOVITI-19 i le lalolagi e lata i le 15 miliona, ae le 6 miliona e pei ona faamauina nei.
O fuainumera nei ua aofia ai e le na o tagata na maliliu sa'o mai le KOVITI-19 ina ua pesia ai, ae o tagata e le'i mafai ona mauaina togafitiga tala feagai ma maliliu ai ona o a'afiaga i 'au'aunaga soifua maloloina i le pepesi o le faama'i.
O le toatele o tagata i le vaega fou lenei ua faaopoopo, o tagata na maliliu i atunuu o Asia, Europa, Amerika ma Amerika i Saute.
O le ripoti na faamaopoopoina e Professor Jon Wakefield o le University of Washington.
[["We asked countries to provide data to who and then we did our own data collection as well. So we did as much as we could to get as much of reliable data as possible. So 4.7 million were attributed to India., and then Russia has 1.1 million, Indonesia has just over a million so those are three countries with very high excesses.]]
END*******************************
